काठमाडाैँ । अभिनेत्री रेखा थापाले नेता गगन थापाका सम्बोधन, तर्क र फेसबुक लाइभमा उनले गरेका कुराहरु पार्टीको झन्डामुनि बसेर गरिएको राजनीति भएको बताएकी छिन । मेरो फिल्म डटसंग कुराकानी गर्दै उनले सो कुरा बताएकी हुन ।

अभेनेत्री थापाले भनेकी छिन ‘नेता गगन थापाका सम्बोधन, तर्क र फेसबुक लाइभमा उनले गरेका कुराहरु पार्टीको झन्डामुनि बसेर गरिएको राजनीति हो । उहाँ स्वास्थ्य मन्त्री भइसकेको मान्छे हो, उहाँलाई सबै लुप होलहरु थाहा थियो, तर आफ्नो कार्यकालमा त्यस्तो के परिवर्तन भएको थियो र ? यो बेला पार्टीको झन्डामुनि बस्नुभन्दा पनि विश्व शान्ति र स्वास्थ्य को कामना गर्नु पर्ने हो ।’

उनले भनेकी छिन ‘यतिबेला पक्ष प्रतिपक्ष सबैले सरकारले गरेको कामलाई हौसला दिएर सहयोग गर्नु पर्ने बेला हो तर एक आपसमा खुट्टा तानेर बसिरहेको देखिन्छन् । मान्छेहरु झन्डामुनि बसेर सरकारको बेइज्जत गरिरहेका छन् । त्यसले अन्तरराष्ट्रिय स्तरमा नराम्रो सन्देश जान्छ ।’

थापाले अहिले सरकारविरूद्ध लाग्नेहरूले कहिल्यै केही गर्न नसक्ने बताएकी छिन भने सरकारबिरुद्ध बोल्दा, औंला ठडाउँडा यो अवस्थामा आफुले आफ्नो ठाउँबाट के गर्यौं भन्ने पनि सोच्नुपर्ने बताएकी छिन ।