उज्यालो प्रतिनिधि
काठमाडौं । हार्वे विंस्टिनलाई यौन दुर्व्यवहार आरोपमा २३ वर्षको जेल सजाय सुनाइएको छ ।
निर्माता विंस्टिन ह्वील चेयरमै अदालत पुगेका थिए । हलिउडका शक्तिशाली निर्माताको रुपमा चर्चित विंस्टिनलाई २५ फेब्रुअरीमा न्यूयोर्कको एक जूरीले यौन दुव्र्यवहार मुद्दामा दोषी ठहर गरेको थियो ।
निर्माता विंस्टिनमाथि क्रिमिनल सेक्सुअल एक्ट र दुव्र्यवहारलगायतको आरोप लगाइएको थियो । पाँच महिला र सात पुरुषहरुको जूरीले पाँच दिनसम्म विचार–विमर्श गरेर निर्माता विंस्टिनलाई थर्ड डिग्री रेप र फस्र्ट डिग्री अपराधिक यौन गतिविधि मुद्दामा दोषी ठहर गरेका हुन् ।
निर्माता विंस्टिनविरुद्ध ८० भन्दा बढी महिलाहरुले यौन दुव्र्यवहार गरेको आरोप लगाएका थिए । जसमध्ये, उनको पूर्व सहयोगी मिमी हेली र हलिउड अभिनेत्री जेसिका मानलगायत पनि छन् ।
यस अगाडि पनि निर्माता विंस्टिनले २०१३ मा न्यूयोर्कको एक होटलमा एक महिलालाई यौन दुव्र्यवहार गरेका थिए ।
उज्यालो प्रतिनिधि
बुद्ध लोप्चन