उज्यालो प्रतिनिधि
कोरोना भाइरसको संक्रमण देखिएकी हलिउड अभिनेत्री रिटा विल्सनले सिड्नीको ओपेरा हाउसमा प्रस्तुती दिएको जानकारीमा उल्लेख छ ।
अष्ट्रेलियाको नाइन न्यूजका अनुसार उनको प्रस्तुतीका बेला २ सय ७ व्यक्ति उपस्थित थिए जसमा उनका श्रीमान् तथा अभिनेता टम ह्यान्क्स पनि समावेश थिए । ह्यान्क्सलाई पनि कोरोनाको संक्रमण देखिएको छ ।
रिटा विल्सनले ओपेरा हाउस बाहिर बसेर खिचाएको आफ्नो तस्बिर पनि इन्स्टाग्राममा पोस्ट गरेकी थिइन् ।
चार दिन अघिको उक्त पोस्टमा उनले लेखेकी थिइन्, ‘ओह, सिड्नी तिमी कति राम्री छौ र सिड्नी आपेरा हाउस, तिमीले आज मेरो सपना साकार पारिदिएको छौ, यो विशिष्ट स्थानमा आफ्नो प्रस्तुती दिन पाउनु सौभाग्य ठानेकी छु । र दर्शकले जति माया देखाउनुभयो त्यसले मलाई निकै स्वागत गरेको महसुस गरेँ । मनैदेखि धन्यवाद दिन चाहन्छु ।’
टमले आफू र श्रीमती दुबै कोरोना भाइरसबाट संक्रमित भएको जानकारी इन्स्टाग्राममार्फत् जानकारी दिएका हुन् ।
उज्यालो प्रतिनिधि
बुद्ध लोप्चन