उज्यालो प्रतिनिधि
काठमाडौं । महानगरीय प्रहरी परिसर काठमाडौंमा अभिनेता अनमोल केसीविरुद्ध ठगीको उजुरी परेको छ ।
‘धुपौरे’ फिल्म खेल्ने सहमति गरि रु पाँच लाख रुपैयाँ एडभान्स लिएका अभिनेता अनमोल केसीले फिल्म नखेलेर ठगी गरेको भन्दै उजुरी परेको हो ।
महानगरीय प्रहरी परिसर काठमाडौंका अनुसार निर्माताद्वय रुपेश खड्की र जयन श्रेष्ठले अभिनेता केसीविरुद्ध जाहेरी दिएका हुन् ।
निर्माताद्वय श्रेष्ठ र केसीले गत असोज तीन गते अभिनेता केसीसँग ‘धुपौरे’ फिल्मका लागि रु ४० लाखमा सम्झौता गरेका थिए ।
सोही सम्झौता अनुसार अभिनेता केसीले एभान्स स्वरुप पाँच लाख रुपैया लिएपनि फिल्म नखेलेर ठगी गरेको उजुरीमा उल्लेख गरिएको छ ।
त्यस्तै अभिनेता केसीले तीन महिनासम्म जिम तथा एक्टिङ क्लासका लागि भन्दै आफूहरुको थप २ लाख ५० हजारसमेत सकाएको पनि उल्लेख गरिएको छ ।
उजुरीमा क्षति बिगो तथा कानून बमोजिम क्षतिपूर्ति दिलाइदिन माग गरिएको छ ।
अनमोल केसी सुपरस्टार भूवन केसीका छोरा हुन् । अनमोल केसी पछिल्लो समय युवापुस्ताले रुचाएका अभिनेता हुन् ।
उज्यालो प्रतिनिधि
बुद्ध लोप्चन