उज्यालो प्रतिनिधि
एजेन्सी : बलिउड अभिनेत्री तथा मोडल मलाइका अरोरा र अरबाज खानको सम्बन्धविच्छेद भएको लामो समय भइसकेको छ । दुवैले आपसी सहमतिमा सम्बन्धविच्छेद गरेका थिए । तर दुवैले १७ वर्षको लामो वैवाहिक सम्बन्ध किन तोडेका थिए भन्ने धेरैलाई चासोको विषय हो ।
सम्बन्धविच्छेद भएको लामो समयपछि पुनः एकपटक मलाइकाले त्यसको कारण खुलाइन् । उनले करीना कपूर खानको च्याट शोमा अरबाजसँग सम्बन्ध बिग्रिएको र सहमतिमै सम्बन्धविच्छेद गरेको बताइन् ।
उनले दुवैलाई विस्तारै वैवाहिक जीवन अप्ठ्यारो परिस्थितीमा पुगेको भन्ने लागेपछि सम्बन्धविच्छेद गरेको खुलाउँदै उनले भनिन्, ‘हामी दुवै विवाहबाट खुशी थिएनौँ । जसको असर पुरैपरिवारमा पर्न थालेको थियो । अहिले पनि महिलालाई सम्बन्धविच्छेद गर्न निकै मुश्किल कुरा हो । तर सबैभन्दा ठूलो कुरा आफ्नो खुशी निकै महत्त्वपूर्ण हुन्छ । त्यसैले हामी दुवैले सम्बन्धविच्छेद गर्ने फैसला लियौँ ।’
छोराछोरीका कारण अझै अरबाजसँग भेटघाट हुने गरेको भए पनि कुनै सम्बन्ध बाँकी नरहेको पनि उनले उल्लेख गरिन् ।
मलाइका यतिबेला अर्जुन कपूरसँग सम्बन्धमा छिन् भने अरबाज विदेशी प्रेमिका जर्जिया एन्ड्रियानीसँग सम्बन्धमा छन् ।
उज्यालो प्रतिनिधि
बुद्ध लोप्चन