उज्यालो प्रतिनिधि
काठमाडौं । नेकपा माओवादी केन्द्रका युवा नेता इन्द्रबहादुर थिङ ‘छिन्ताङ’ को हाम्रो खानीखोला बोलको गीत सार्वजनिक भएको छ ।
तत्कालीन नेकपा माओवादीले सञ्चालन गरेको दशवर्षे जनयुद्धका क्रममा छिन्ताङले सयौँ जनवादी गीतको रचनासँगै संगीत भरेका थिए । उनको कयौँ गीत चर्चित छन् ।
उनै छिन्ताङले काभ्रेको डाँडापारिस्थित खानीखोला गाउँपालिकाको परिवेशलाई समेटिएर गीत लेखेका छन् । संगीत पनि छिन्ताङले नै भरेका हुन् ।
गीतको शनिबार नेकपा माओवादी केन्द्र संसदीय दलका प्रमुख सचेतक देव गुरुङले भव्य कार्यक्रमकाबीच विमोचन गरे । कार्यक्रममा पूर्वराज्यमन्त्री सुर्यमान दोङ, माओवादी केन्द्र काभ्रेका अध्यक्ष रुकु चौलागाई, प्रदेश सांसद रत्न ढकाल, नेता दिनानाथ गौतम लगायत उपस्थित थिए ।
गीतमा निर्मला घिसिङ र रमन थामीले स्वर दिएका छन् । त्रिताल स्टुडियो काठमाडौंमा रेकर्डिङ भएको गीतको एरेन्ज र मिक्सिङ भने सुन्दर लामाले गरेका हुन् ।
गीतको छायांकनका लागि विवेक लोप्चन र यमन माझीले दृश्य छायांकन गरेका छन् ।
भिडियो हेरौँ
उज्यालो प्रतिनिधि
बुद्ध लोप्चन