उज्यालो प्रतिनिधि
काठमाडौँ । नेकपा एमालेका महासचिव इश्वर पोखरेलले पार्टीलाई घात गर्नेहरु एमाले हुनै नसक्ने बताएका छन ।
शुक्रबार एमाले काठमाडौं ४ नंवर वडा कमिटीले आयोजना गरेको पार्टी प्रवेश कार्यक्रममा महासचिव पोखरेलले पछिल्लो समय पार्टी भित्र रहेर पार्टी बिरुद्ध गतिविधी हुँदै आएको भन्दै पार्टीलाई घात गर्नेहरु एमाल हुनै नसक्ने बताएका हुन । एमालेमा रहेर एमालेकै सरकार ढाल्नेहरुलाई पनि अव एमाले भन्न नमिल्ने उनको भनाइ छ । पोखरेलले नराम्रोलाई नराम्रो भन्न सक्ने एमाले हुने र गलत कुराको पक्ष लिनेलाई एमाले भित्र कुनै ठाँउ नरहेको बताए । एमालेलाई कमजोर पार्ने काम एमालेभित्र रहेर हुनै नसक्ने उनको भनाइ छ ।
त्यस्तै एमाले केन्द्रीय सदस्य एव प्रदेश सांसद नवराज सिलवालले मुलुकको बिकास गर्नका लागि वडा तहबाटै बिकासको सुरुवात गर्नुपर्ने भएकाले आफ्नो ध्यान बिकास निर्माणमा रहेको बताए ।
कार्यक्रममा बिभिन्न दलबाट आएका कार्यकर्तालाई महासचिव पोखरेलले एमाले प्रवेश गराएको थियो ।
बुद्ध लोप्चन
उज्यालो प्रतिनिधि