काठमाडौँ । एथ्लेटिक क्लबलाई पराजित गर्दै बार्सिलोनाले `कोपा डेल रे´को उपाधी उचालेको छ ।
आज राती सम्पन्न खेलमा बार्सिलोनाले एथ्लेटिकलाई ४-० गोल अन्तरले पराजित गरेको हो । यो सँगै बार्सिलोनाले सर्वाधिक ३१ पटक कोपा डेल रेको उपाधी जितेको छ ।

बार्सिलोनालाई जित दिलाउन एन्टोइन ग्रीजम्यान र एफ डि जोङले एकएक गोल र कप्तान लियोनन मेस्सीले दुई गोल गरे । पहिलो हाफ बराबरीमा सकिएको थियो । दोश्रो हाफको ६० औं मिनेटमा डिजोङको पासबाट ग्रीजम्यानले बार्सिलोनाका लागी गोलको पहिलो खाता खोले । यस्तै त्यसको तीन मिनेपछि जोर्डी अल्बाको पासमा डि जोङले गोल गर्दै टोलीलाई २-० गोलको अग्रता बनाए । लगतै ६८ औं मिनेटमा डि जोङकै पासमा कप्तान मेस्सीले अग्रतालाई तेब्बर बनाए भने जोर्डी अल्बाको पासबाटै मेस्सीले ७२ औं मिनेटमा व्यक्तिगत दोश्रो गोल गर्दै टोलीलाई ४-० गोल अन्तरले जिताए ।