वासिङटन । विश्वभर महामारिको रुपमा फैलिरहेको कोरोना भाईरस (कोभिड-१९) का कारण अमेरिकामा संक्रमितको संख्या २२ लाख ३३ हजार नाघेको छ ।

वल्डोमिटर्सका अनुसार एकैदिन २५ हजार ७८ जना संक्रमित थपिएका छन् भने विहिबार बिहानसम्म १ लाख १९ हजार ९३९ जनाको मृत्यु भएको छ ।

पछिल्लो २४ घण्टामा थप ८०७ जनाको कोरोना संक्रमणकै कारण मृत्यु भएको छ ।

कुल संक्रमितमध्ये ९ लाख १२ हजार ४९६ जना निको भएर घर फर्किएका छन ।

उपचाररत १२ लाख १ हजार ४३ जनामध्ये १६ हजार ६५६ जनाको अवस्था गम्भीर रहेको छ ।