देउखुरी । प्यूठानको इलाका प्रहरी कार्यालय विजवारमा कार्यरत प्रहरी सहायक निरिक्षक सिवा कुमारी जिसीलाई उपचारका लागि काठमाडौं लगिएको छ । उहाँ ब्रेनमा प्रेसरले हानेपछि उपचारको लागि लुम्बिनी अस्पतामा भर्ना हुनु भएको थियो ।

गत २१ गते आँखामा समस्या आएपछि उपचाको लागि भैरहवा आँखा अस्पताल परिसरमै ब्रेनमा समस्या आएपछि एक्कासी बेहोस हुनु भएको जिसीका ज्वाई सुनिल केसीले जानकारी दिनुभयो ।

उहाँका अनुसार स्वास्थ्य बिग्रिएपछि प्रहरी सहायक निरिक्षक (फुपु) जिसीलाई उपचारका लागि भैरहवा विमानस्थलबाट नेपाली सेनाको हेलिकोप्टरबाट काठमाडौं लगिएको हो ।

उहाँलाई रुपन्देहीको लुम्बिनी अस्पतालका चिकित्सकले उपचारका लागि काठमाण्डौँको न्यूरो अस्पतालमा लैजान रेफर गरेका थिए । चिकित्सकको सिफारिस अनुसार अहिले जिसीलाई हेलिकोप्टरबाट काठमाडौं लगिएको हो ।