काठमाडौ । नेकपा (माओवादी केन्द्र) बागमती प्रदेश कमिटीको अध्यक्षमा सिन्धुपाल्चोकका सरल सहयात्री निर्वाचित भएका छन् । अध्यक्षका अर्का उम्मेदवार दिननाथ गौतमलाई पराजित गर्दै उनी अध्यक्षमा निर्वाचित भएका हुन् । सचिवमा काभ्रेका इन्द्र बहादुर थिङ छिन्ताङ निर्वाचित भएका छन् । सचिवका अर्का उम्मेदवार रामचन्द्र अधिकारी र धर्म डंगोललाई पराजित गर्दै उनी निर्वाचित भएका हुन् ।