उज्यालो प्रतिनिधि
काठमाडौँ । प्रधानमन्त्री शेरबहादुर देउवाका ज्योतिषी सुरेशचन्द्र रिजालले आज विश्वासको मत लिनका लागि अनुकूल समय रहेको बताएका छन् । उनाले सामाजिक सञ्जाल फेसबूकमार्फत सो कुरा बताएका हुन ।
प्रधानमन्त्री देउवाले पनि आजै अपरान्ह ४ बजे विश्वासको मत लिँदै छन् । यसका लागि विश्वासको मत लिनेबारे पत्र संसद सचिवालयमा दर्ता भइसकेको छ ।
‘सत्तालाई शक्तिशाली बनाउनका लागि प्रधानमन्त्री शेरबहादुर देउवाले आजै विश्वासको मत लिने तयारीमा गृहकार्य थाल्नु भएको छ,’ ज्योतिष रिजालले सामाजिक सञ्जालमार्फत भनेका छन्, ‘शक्तिको उपासना गर्दै शक्तिशाली अवस्थामै रहँदै देश र जनताका भावना पूरा गर्नका लागि २७ गतेबाट सुरु भएको गुप्त नवरात्रअन्तर्गत आज नवमी तिथि, सूर्य ग्रहकोबार, आईतबार र तुला राशिमा चन्द्रमा भएको शुभ समय पारेर विश्वासको मत लिएर विदेशी सम्बन्ध सुदृढ पार्नका लगि आजको दिन विशेष कार्य शिद्धिको योग परेको छ ।’
उज्यालो प्रतिनिधि
बुद्ध लोप्चन