उज्यालो प्रतिनिधि
काठमाडौँ । कोरोना महामारी बीच अमेरिकाबाट कोरोना खोप बारे खुशीको खबर आएको छ। खोप कार्यक्रम अमेरिकामा चाँडै सुरु हुन सक्छ। ह्वाइट हाउसले सूचित गरिसक्यो कि कोरोनाभाइरस विरुद्धको खोप ११ वा १२ डिसेम्बरदेखि लगाउन सुरु हुन सक्छ।
शुक्रबार अमेरिकी औषधि कम्पनी फाइजर र यसको जर्मन साझेदार बायोनोटेकल खोपको लागि आपतकालीन अनुमति लिन युएस फूड एण्ड ड्रग एडमिनिस्ट्रेशन (एफडीए) लाई आवेदन दिए। एफडीए खोप परामर्श समितिको बैठक १० डिसेम्बरमा हुने छ। यसमा निर्णय हुन सक्छ।
अमेरिकामा कोरोनाभाइरस खोप कार्यक्रमका प्रमुख डा. मोन्सेफ स्लाउले भने कि हामीले अनुमोदन भएको २४ घण्टा भित्र खोप केन्द्रहरूमा खोपहरू ल्याउने योजना बनाएका छौं, त्यसैले मलाई लाग्छ यो अनुमोदन भएको दुई दिन पछि डिसेम्बर ११ वा १२ सम्म खोप कार्यक्रम सुरु हुनेछ।
यो खोप अमेरिकी कम्पनी फाइजर र बायोनोटेकले विकास गरेको हो। यो खोप ९५ प्रतिशत प्रभावकारी रहेको पाइएको छ । रिपोर्टका अनुसार फाइजरले अमेरिकामा यस औषधिको एक डोजको मूल्य २० अमेरिकी डलर बताएको छ।
अमेरिका कोरोनाबाट नराम्ररी प्रभावित छ । जोन्स हपकिन्स विश्वविद्यालयका अनुसार संयुक्त राज्य अमेरिकामा कोरोना संक्रमितको संख्या १ करोड २० लाख नाघेको छ, जबकि भाइरसले हालसम्म २ लाख ६२ हजार भन्दा बढीको मृत्यु भैसकेको छ।
बुद्ध लोप्चन