नेपाली सिने जगतका महानायक राजेश हमालले कलाकार तथा निर्देशक दीपाश्री निरौलालाई माफि दिन सबैसँग आग्रह गरेका छन् ।

एक टेलिभिजनमा कलाकार दिपाश्री निरौलाले राजेश हमाललाई “महानायक हो र उहाँ” भन्दै अन्तरवार्ता दिए पछि हमालका शुुुुुुुुुुुुुुुुुुभचिन्तकहरुले दिपाश्रीको चर्को आलोचना गर्दै आएका थिए ।

मध्यरातमा एक भिडियो सार्वजनिक गर्दै हमालले भनेका छन्–‘मेरो अनुरोध छ कि, यो राष्ट्रको सिने क्षेत्रका लागि, कला क्षेत्रका लागि, मानवताका लागि अत्यन्तै सकारात्मक भएर सम्बन्धित व्यक्तिलाई माफि दिनुहोला ।’

सामाजिक संजाल फेसबुकमार्फत ८ मिनेट ४३ सेकेन्डको भिडियो राख्दै आफु संलग्न कला क्षेत्रमा रहेको विवादलाई साम्य पार्न आफ्नो शुभचिन्तकहरुलाई अनुरोध गरेको छ ।