प्यूठान । प्यूठानमा जीप दुर्घटना हुँदा ३ जनाको ज्यान गएको छ ।

स्वर्गद्धारी नगरपालिका १ रुमालेमा जीप दुर्घटनामा परेर जिल्ला प्रशासन कार्यालय गुल्मीमा कार्यरत प्रशासकीय अधिकृत श्याम न्यौपाने, गाडी चालक र अर्का एकजनाको ज्यान गएको हो ।

गाडीमा १४ जना रहेकोमा अरु ११ जना घाइते भएका छन् । घाइतेहरुको प्राथमिक स्वास्थ्य केन्द्र भिंगृमा उपचार भइरहेको छ ।

४ जनाको अवस्था गम्भीर रहेकोले उनीहरुलाई उपचारको लागि हेलिकोप्टरबाट काठमाडौं पठाइएको छ ।