काठमाडौँ । प्रधानमन्त्री केपी शर्मा ओलीले नेपाल कम्युनिष्ट पार्टी एमालेको नयाँ कार्यालय राख्ने भवनको निरीक्षण गरेका छन ।

बुधबार थापाथलीस्थित एमालेको केन्द्रीय कार्यालय रहने भवनको अध्यक्ष एवं प्रधानमन्त्री केपी शर्मा ओलीले अवलोकन गरेका हुन । धुम्बाराहीबाट पार्टी कार्यालय थापाथली सर्न लागेको कृषि मन्त्री पद्मा कुमारी अर्यालले जानकारी दिए । उहाले प्रधानमन्त्रीलाई पार्टी कार्यालय मन परेर नै थापाथलीमा सार्ने तयारी गरेको जानकारी दिए । कार्यालयमा नेपाली पन अनुसार विभिन्न कुराहरु निर्माण गरिएको उनको भनाई छ ।

पार्टी कार्यालय रहने भवन निरीक्षणका लागि अध्यक्ष ओलीसहित अन्य शीर्ष नेताहरु थापाथली पुगेको थियो । ०७२ सालमा गएको भूकम्पले बल्खुमा रहेको पार्टी कार्यालय भत्काएपछि धुम्बाराहीमा रहेको पासाङ ल्हामु स्मृति प्रतिष्ठानको भवन भाडामा लिएर कार्यालय सञ्चालन गर्दै आएको थियो । नयाँ कार्यालयमा रावर्ट लगायतका अन्य कुराहरु पनि रहेका छन् ।