| Friday 23 October, 2020

उपत्यकामा थप २७ सय २० जना नयाँ कोरोना संक्रमित थपिए

काठमाडौँ । काठमाडौं उपत्यकामा थप २७ सय २० जना नयाँ कोरोना संक्रमित थपिएका छन् ।

कोरोना संक्रमणबाट पछिल्लो २४ घन्टामा नेपालमा थप १७ जनाको मृत्यु भएसँगै नेपालमा मृत्यु हुनेको संख्या ८ सय २९ पुगेको छ ।

पछिल्लो २४ घण्टामा नेपालमा थप ४ हजार ४ सय ९९ जनामा कोरोना संक्रमण देखिएको छ । योसँगै नेपालमा कोरोना संक्रमितको कुल संख्या १ लाख ५३ हजार ८ पुगेको र सक्रिय संक्रमितको संख्या हालसम्म ४६ हजार ६९१ पुगेको स्वास्थ्य तथा जनसंख्या मन्त्रालयले जनाएको छ ।

यसैगरी पछिल्लो २४ घन्टामा २ हजार ६ सय ६८ जना डिस्चार्ज भएसँगै नेपालमा हालसम्म कोरोनामुक्त हुनेको संख्या १ लाख ५ हजार ४ सय ८८ जना पुगेको छ ।

गर्भवती हत्या आरोपित डाँगी मोफ्ला गाउँबाट गिरफ्तार

जुम्ला । हिमा गाउँपालिका–३ मोफ्ला गाउँकी १६ वर्षीया बबिता रोकायालाई हत्या गरेको आरोपितमध्ये सोही गाउँका ३७ वर्षीय रामचन्द डाँगीलाई प्रहरीले गिरफ्तार गरेको छ । आरोपित डाँगीलाई प्रहरीले मोफ्ला गाउँबाट गिरफ्तार गरेको हो ।

प्रहरी निरीक्षक देवराज भट्टराईका अनुसार गत असोज १९ गते राति घरबाट बेपत्ता भएकी किशोरीको कात्तिक १ गते हिमा – १ पागरपालीस्थित हिमा नदीका छेउमा शव फेला परेको थियो । किशोरी बेपत्ता भएको हप्ता दिनपछि मोफ्ला गाउँदेखि माथि डाँडामा कपडा भेटिएकाले बरामद गरी प्रहरीले मुचुल्कासमेत गरेको छ ।

कर्णाली स्वास्थ्य विज्ञान प्रतिष्ठान शिक्षण अस्पताल जुम्लाले यही कात्तिक १ गते शव परीक्षण गर्दा किशोरीको पेटमा तीन महिनाको शिशु थियो । प्रहरी निरीक्षक भट्टराईले भने, ‘डिएनए र भिसिआर परीक्षणका लागि प्रहरी विज्ञान प्रयोगशाला काठमाडौँ पठाउने तयारी गरिएको छ ।’ किशोरीका आफ्न्तले हत्या गरेका आरोपमा मोफ्ला गाउँका १९ वर्षीय करबहादुर भण्डारी र ३७ वर्षीय डाँगीका नाममा कर्तव्य ज्यान मुद्दा जिल्ला प्रहरी कार्यालय जुम्लामा दर्ता गराएका छन् ।

 

आइसियुमा बेड खाली नहुँदा आकस्मिक कक्षमा सङ्क्रमित

काठमाडौं । काठमाडौँ उपत्यकामा सक्रिय सङ्क्रमितको सङ्ख्या १६ हजारभन्दा बढी हुँदा टेकुस्थित शुक्रराज ट्रपिकल तथा सरुवा रोग अस्पतालमा दैनिक पाँचदेखि सात जनासम्म नयाँ बिरामी आइसियुमा भर्ना भइरहेको छ । हरेक दिन भेण्टिलेटर र आइसियुका बिरामीलाई राम्रो हुँदा आइसोलेसनमा झार्ने गरिएको र त्यस ठाउँमा गम्भीर खालका नयाँ बिरामीको उपचार गरिँदै आइएको अस्पताल निर्देशक डा.सागर राजभण्डारीले बताए । उनका अनुसार बिहानदेखि गम्भीर समस्या भएका सङ्क्रमित अस्पतालको आकस्मिक कक्षमा कुरिरहेका हुन्छन् । उनले भने, “शैया खाली हुनु पहिले नै पालो कुरेका बिरामीलाई मिल्नासाथ आइसियुमा सार्ने गरिएको छ ।”

अस्पतालको आइसोलेसन र आइसियु अधिकांश समयमा सङ्क्रमितले भरिरहेको निर्देशक डा.राजभण्डारीले बताए । अस्पतालमा दैनिकजसो नै सङ्क्रमित डिस्चार्ज भएर जानासाथ आकस्मिक कक्षमा रहेकालाई त्यहाँ सारिने गरिएको छ । उनका अनुसार आइसियुमा रहेका बिरामीलाई समस्या कम भएपछि केही दिनसम्म आइसोलेनमा राखेर रिपोर्ट नेगेटिभ आएपछि मात्रै डिस्चार्ज गरिँदै आएको छ । अस्पतालमा गम्भीर समस्या भएका र अक्सिजन दिनुपर्ने बिरामीलाई राखिने गरिएको उनले बताए । उनले भने, “लक्षणसहितका अरु बिरामीले पनि अस्पतालमा भर्ना हुन चाहे पनि हामीले गम्भीर बिरामी मात्रै लिने गरेका छौँ ।”

उपत्यकामा सङ्क्रमितको सङ्ख्या बढीरहँदा अस्पताललाई त्यसको व्यवस्थापन गर्न गाह्रो भएको निर्देशक डा.राजभण्डारीले बताए । उनका अनुसार अस्पतालले केही शैया बढाउन लागेको भए पनि अस्पतालको क्षेत्र नै साँघुरो भएकाले धेरै बढाउनसक्ने अवस्था छैन । अरु समस्या हुँदाजस्तो नभएर कोभिडका बिरामीलाई दूरी कायम गरेर राख्नुपर्ने बाध्यता रहेको उनको भनाइ छ । अस्पतालमा केही समय पहिले दुई भेन्टिलेटर थपिएको थियो । अहिले छ आइसोलेसन शैया, चार आइसियु र एक भेन्टिलेटर थप गर्न लागिएको उनले बताए । उनले भने, “हामीले सम्भव भएसम्म बेड थपिरहेका छौँ ।”

अस्पतालमा परीक्षण गराएर पोजेटिभ रिपोर्ट आएपछि धेरै सङ्क्रमितले मलाई यही राख्नुपर्छ भन्दै झगडा गर्ने गरेको निर्देशक डा.राजभण्डारीले बताए । अस्पतालले अक्सिजन नै चाहिने प्रकृतिका सङ्क्रमित मात्रै राख्ने बताएपछि उनीहरु झगडा गर्न आउने उनको भनाइ छ । कतिपयले अस्पतालमा स्वास्थ्यकर्मीलगायत कर्मचारीसँग झगडा गर्न आउने गर्छन् ।

अस्पतालले भर्ना गर्ने भनिएका प्रकृतिका गम्भीर बिरामीलाई समेत भन्नासाथ लिन सकिने अवस्था नभएको उनको भनाइ छ । उनले भने, “कतिपय सिरियस बिरामीलाई पनि बेड मिलाउनै नसक्दा अरु अस्पतालमा लैजानुहोस् भन्दा हामीलाई पनि राम्रो लाग्दैन ।”

एकातिर अस्पतालका सबै शैयामा खचाखच बिरामी र अर्कातिर कार्यरत कर्मचारीलाई पनि समय समयमा सङ्क्रमित हुँदा व्यवस्थापन गर्न कठिन भइरहेको निर्देशक डा.राजभण्डारीले बताए । भर्ना भएका सबै बिरामीलाई हेर्नुपर्ने भए पनि जनशक्ति कम भएको उनले बताए । अस्पतालमा अहिले तालीमप्राप्त नर्सको कमी छ । एउटा भेन्टिलेटरमा एकजना नै तोकिएको मान्छे राख्नुपर्ने उनले बताए ।

एउटै व्यक्तिले नियमित गर्न नसक्दा फरक सिफ्टका लागि फरकफरक जनशक्ति चाहिन्छ । कर्मचारीलाई सङ्क्रमण भएर आइसोलेनमा हुँदा त्यो ठाउँमा अर्को कर्मचारी खटाउनुपर्छ । उनले भने, “सबै कुरा मिलाएर गर्न अहिले सजिलो अवस्था छैन ।”

नेपालमा कोभिड–१९ को सङक्रमण शुरु भएसँगै यो अस्पतालमा परीक्षणका लागि आउनेको पनि भीड छ । कहिले घरबेटीले घरमा फर्कन नदिएकाले त कहिले कार्यालयमा जानका लागि नागरिक परीक्षणका लागि आउने गरेका छन् । अस्पतालले ‘क्राइटिएरिया’ मिलेकाको मात्रै परीक्षण गर्दै आएको छ ।

कोभिडसँग मिल्दा लक्षण भएका वा स्वास्थ्यकर्मी, सुरक्षाकर्मीलगायत फ्रन्टलाइनमा बसेर काम गर्ने व्यक्तिको परीक्षण गरिँदै आइएको उनले जानकारी दिए । ‘कन्ट्याक ट्रेसिङ’ मा परेका व्यक्तिको भने वडा कार्यालयको समन्वयमा परीक्षण हुँदै आएको छ । कतिपय व्यक्ति कागजका लागि रिपोर्ट चाहिएकाले गर्न आउँदा भने पैसा तिरेर परीक्षण गर्न सक्ने व्यवस्था गरिएको छ । उनले भने, “अहिले धेरै जना लोक सेवा, प्रहरीमा भर्ना हुन वा विदेश जान भन्दै परीक्षणका लागि आइरहेका छन् ।”

सरकारी अस्पताल भएकाले र सबैलाई सहज पहुँच भएकाले सङ्क्रमित यहीँ उपचारका लागि आउन चाहने धेरै छन् । आर्थिकरुपमा विपन्न व्यक्तिले विशेष गरी लामो समयसम्म उपचार गर्नुपर्ने भएकाले यहीँ आउने चाहेको अस्पतालले जनाएको छ ।

अस्पताल कोभिड–१९ को उपचारमा केन्द्रित हुँदा अरु किसिमका सरुवा रोगमा त्यसको असर परेको निर्देशक डा.राजभण्डारीले बताए । यहाँ उपचारका लागि आउने अरु सरुवा रोगका बिरामीलाई अरु अस्पतालम सारिएको छ । एचआइभी एड्स, क्षयरोग, डेङ्गु, कालाजारलगायत सरुवा रोगका औषधि खाइरहेका बिरामीले अहिले यहाँबाट उपचार पाएका छैनन् । अरु सरुवा रोग लागेका व्यक्तिलाई कोभिड देखिँदा मात्रै यहाँ उपचार हुन्छ । अरु सरुवा रोगका नियमित औषधि खाइरहेका व्यक्ति, पनि जोखिम वर्गमा पर्ने उनले बताए ।

चुनाव अघि अमेरिकामा ठूलो संकट, धेरै राज्यहरूमा कोरोना संक्रमणको दर बढ्यो

वासिङ्टन । संयुक्त राज्यमा राष्ट्रपति निर्वाचन हुन दुई हप्ता भन्दा बढी बाँकी छ, चुनावी दृष्टिले महत्वपूर्ण राज्यहरुमा कोरोना भाइरस संक्रमण दरको वृद्धिले चुनावका अधिकारीहरु र मतदाताहरु लाई चिन्ताको कारण बनेको छ ।

आयोवा र विस्कनसिन जस्ता राज्यहरूमा स्थानीय निर्वाचन अधिकारीहरूले निर्वाचन अधिकारीहरू संक्रमित, अलग्गिएको वा अन्तिम संक्रमणमा प्रक्रियाबाट बाहिर हुनसक्छन् कि भन्ने डरले चुनाव संक्रमण केन्द्रहरू समयपूर्व खोल्दैछन् ।

आयोवा र विस्कनसिनका साथै, मिशिगन, मिनेसोटा, पेन्सिलभेनिया र ओहियोमा संक्रमण र मृत्युको संख्या बढ्दो छ। विस्कोन्सिनमा यस हप्ता कोरोना भाइरस संक्रमणको रेकर्ड भएको थियो। गभर्नर टोनी इभान्सले मतदान केन्द्रहरूमा कर्मचारीको अभाव भएमा विस्कॉन्सिन नेश्नल गार्ड नियुक्त गर्ने बताएका छन् ।

बीरगञ्जमा २० किलो भन्दा बढी सुन बरामद

काठमाडौं । बीरगञ्जमा प्रहरीले २० किलो भन्दा बढी सुन बरामद गरेको छ ।

छापा मारेर प्रहरीले सुन बरामद गरेको र सुनको परिमाण २० किलो भन्दा बढी रहेको र केही बेरमै पत्रकार सम्मेलन गरी सम्पूर्ण विवरण जानकारी गराउने जिल्ला प्रहरी कार्यालय पर्साका एसपी गंगा पन्तले बताउनुभयो ।

कोरोना संक्रमणबाट वडा सदस्य पाण्डेको मृत्यु

चितवन । खैरहनी नगरपालिका वडा नम्बर १२ का वडा सदस्य ४९ वर्षीय बद्रीबहादुर पाण्डेको कोरोना सङ्क्रमणका कारण मृत्यु भएको छ । उहाँ क्यान्सर रोगबाटसमेत पीडित हुनुहुन्थ्यो ।

भरतपुर अस्पतालमा उपचारका क्रममा पाण्डेको गएराति मृत्यु भएको हो ।अस्पतालका सूचना अधिकारी लिलाधर पौडेलका अनुसार उहाँमा असोज २८ गते सङ्क्रमण पुष्टि भएको थियो । आईसोलेसनमा रहनुभएकोमा उहाँलाई असोज ३० गते अस्पताल भर्ना गरिएको थियो । खोकी र श्वासप्रश्वासमा समस्या रहेको उहाँको क्यान्सरको तेस्रो केमो चलिरहेको अवस्थामा मृत्यु भएको हो । अस्पतालको कोभिड सघन उपचार कक्षमा भेन्टिलेटरमा राखी उहाँको उपचार भईरहेको थियो ।

उहाँ नेपाली काँग्रेसबाट गएको स्थानीय तहको निर्वाचनमा विजयी हुनुभएको थियो । नेपाली काँग्रेस चितवनका जिल्ला सभापति जीतनारायण श्रेष्ठले पाण्डेको निधनमा गहिरो दुःख प्रकट गर्नुभएको छ । यस अघि जिल्लाकै भरतपुर महानगरपालिका वडा नम्बर २० का निर्वाचित वडा अध्यक्षको कोरोना सङ्क्रमणका कारण मृत्यु भएको थियो ।

अमेरिकी राष्ट्रपति चुनावमा धांधली हुने ट्रम्पको आशंका

काठमाण्डौ । अमेरिकी राष्ट्रपति चुनावको स्थापित परम्परा शुक्रबार बिहान टुक्रियो। अमेरिकामा राष्ट्रपति निर्वाचनको दौरान दुई प्रमुख दल तीन पटक आमनेसामने गरेको प्रख्यात अभ्यास भइरहेको छ। तर रिपब्लिकन पार्टीले डोनाल्ड ट्रम्प जस्ता धेरै राजनीतिक प्रतिष्ठान र परम्पराको अनादर गरेको छ। यस पटक उनले दोस्रो बहसमा सामेल हुन इन्कार गरे।

पहिलो बहस २९ सेप्टेम्बरमा भयो। ट्रम्पले बोल्दै प्रजातन्त्र पार्टीका उम्मेदवार जोन बिडेनलाई बोल्न बारम्बार रोक लगाए। यो खराब सन्देश गयो। ट्रम्पको समर्थन रेटिंग गिरायो। ट्रम्प त्यसबेला कोरोना भाइरसबाट संक्रमित थिए। यसलाई ध्यानमा राख्दै, आयोजकहरूले निर्णय गरे कि दोस्रो बहस अनलाइन हुनेछ (अर्थात् भर्चुअल)।

ट्रम्पले भाग लिन इन्कार गरे। नतिजा स्वरूप, शुक्रबार बिहान दुई उम्मेदवारहरू विभिन्न टाउन हल कार्यक्रममा भाग लिए र त्यहाँ सोधेका प्रश्नहरूको जवाफ दिए । यसमा, ट्रम्पले फेरि एक शर्त बिना यो भन्न अस्वीकार गरे कि यदि नोभेम्बर ३ मा चुनाव हराएमा उनी शान्तपूर्वक सत्ता हस्तान्तरण गर्नेछन्। यससम्बन्धी प्रश्नमा उनले भने कि चुनाव पछि शान्तिपूर्ण रूपमा सत्ता हस्तान्तरण गर्न उहाँ प्रतिबद्ध हुनुहुन्छ, बरु “इमान्दार चुनाव” होस ।

ट्रम्पले यस अघि भनेका छन कि यदि चुनावमा कुनै धांधली भएन भने उस्लाई हराउन सक्दैन । रिपोर्टका अनुसार कोरोना महामारीका कारण यस पटक ठूलो संख्यामा मतदाताले मतदान गर्ने छन। ट्रम्पले एक पटक फेरि टाउन हल कार्यक्रममा सम्भावित चुनावी धांधलीको मुद्दा उठाए।

कोरोना विरुद्धको तेस्रो खोप पनि बनाएको रूसको दाबी (पढ्नुहोस पुरा जानकारी)

काठमाण्डौ । रूसले कोरोना खोपमा विश्वलाई आश्चर्यचकित गरिरहेको छ। अब उसले खोपको बारेमा अर्को ठूलो खबर दिएको छ वा हैरान गरेको छ। रुसले कोरोनाको तेस्रो खोप पनि बनाएको दाबी गरेको छ ।

दुई दिन अगाडि अक्टुबर १४ मा रूसले दोस्रो कोरोना खोप EpiVacCorona स्वीकृत गरेको छ, जबकि १२ अगस्तमा संसारको पहिलो खोप Sputnik-V परीक्षणको तेस्रो चरण भन्दा पहिले पूरा भएको थियो। स्वीकृत भएको थियो। अब यो दावी गरिएको छ कि रसियाको तेस्रो खोप पनि तयार छ। यस बारे भर्खरका ताजा अपडेट थाहा पाउँ …

रिपोर्टका अनुसार रसियाको यो तेस्रो खोप रूसी एकेडेमी अफ साइन्सको चुमाकोभ केन्द्रमा भइरहेको छ। यो अपेक्षित छ कि यसलाई २०२० सम्ममा स्वीकृत गर्न सकिन्छ। हाल, यसको पहिलो र दोस्रो चरणको ट्रायलहरू भइरहेको छ।

मिडिया रिपोर्टका अनुसार यो नयाँ रूसी खोप अक्टूबर ६ मा परीक्षणको पहिलो चरणमा १५ जना स्वयम्सेवकहरुलाई दिइयो तर ती मध्ये कुनैले पनि कुनै गम्भीर दुष्प्रभाव देखेका छैनन्। ट्रायलको दोस्रो चरण अक्टोबर १९ मा २८५ स्वयम्सेवकहरूमा हुनेछ।

रूसबाट आएको यो तेस्रो खोपको क्लिनिकल परीक्षण डिसेम्बरमा सम्पन्न हुने अपेक्षा गरिएको छ। यी सबैमा सब भन्दा आश्चर्यजनक कुरा यो हो कि रूसले यसको कुनै पनि खोप ठूलो मात्रामा प्रयोग गरेको छैन, तर त्यसले उनीहरूको प्रयोगलाई अनुमोदन गरेको छ।

रूस दोस्रो खोप परीक्षणमा सफल भएको दाबी
रसियाको दोस्रो खोप EpiVacCorona साइबेरियाको भेक्टर इन्स्टिच्यूटले बनाएको हो र पेप्टाइड-आधारित खोप हो । भनिन्छ कि यो खोपको दुई डोज कोरोना रोक्नको लागि दिइनु पर्नेछ। यो परीक्षण करीव १८ र ६० वर्ष बीचका करीव १०० स्वयंसेवकहरूमा गरिएको छ। यो भ्याक्सिनको शुरुवाती परीक्षणहरू सफल भएको र अध्ययन पूरा भएपछि मात्र अनुमोदन भएको दावी गरिएको छ।

रिपोर्टका अनुसार रसियाको दोस्रो खोपको डोज पनि उप प्रधानमन्त्री तात्याना गोलिकोवाले लिएका छन्। उनले भनेका छन् कि देशभरबाट ४० हजार मानिस इभिवाकोरोना खोपको अर्को चरणको ट्रायलको लागि छानिनेछ।

भारतमा कोरोनाबाट मृत्यु हुनेको संख्या १ लाख १३ हजार नाघ्यो, ७४ लाख ३० हजार बढी संक्रमित

काठमाडौं । पछिल्लो २४ घण्टामा ६५ हजार १२६ जनामा संक्रमण देखिएसँगै भारतमा संक्रमितको संख्या ७४ लाख ३० हजार ६३५ पुगेको छ ।

वल्डोमिटर्सका अनुसार संक्रमितमध्ये हालसम्म ६५ लाख २१ हजार ६३४ जना डिस्चार्ज भएका छन् । ७ लाख ९५ हजार ६९६ जनाको उपचार भइरहेको छ ।

पछिल्लो २४ घण्टामा थप ८८६ जनाको कोरोना संक्रमणबाट मृत्यु भएसँगै भारतमा कोरोनाले मृत्यु हुनेको संख्या १ लाख १३ हजार ३२ पुगेको छ ।

पेरिसमा टाउको काटेर शिक्षकको हत्या, प्रहरीले आक्रमणकारीलाई गोली हानी मारियो

एजेन्सी । फ्रान्सको राजधानी पेरिसमा टाउको काटेर शिक्षकको हत्या भएको छ ।

स्थानीय समय अनुसार शुक्रबार साँझ ५ बजेतिर आक्रमणकारीले शिक्षकमाथि चक्कुले आक्रमण गरेपछि टाउको काटिदिएको थियो । आक्रमणकारी भागेपछि मात्रै स्थानीय प्रहरीलाई खबर पुगेको थियो ।

प्रहरीले आक्रमणकारीलाई पनि गोली हानी मारेको छ। आक्रमणकारीको नाम भने सार्वजनिक गरिएको छैन।

फ्रेन्च अखबार ‘ले मोन्दे’ का अनुसार इतिहास र भूगोलका ती शिक्षकले कक्षामा अभिव्यक्ति स्वतन्त्रताका बारेमा पढाउने क्रममा चार्ली हेब्डो पत्रिकाको कार्टुन देखाएका थिए । पैगम्बर मोहम्मदको कार्टुन थियो ।

त्यसपछि यसै महिनाको सुरुवातमा केही मुसलमान अभिभावकले शिक्षकका बारेमा उजुरी गरेका थिए।

फ्रान्सका शिक्षामन्त्री ज्याँ माइकल ब्लेंकरले ट्वीट गर्दै शिक्षकमाथिको आक्रमण फ्रान्समाथिको आक्रमण भएको बताएका छन्।