मोरङमा एक महिलामाथि राति सुतेकै ठाउँमा छुरा प्रहार

विराटनगर । मोरङको पथरीशनिश्चरे नगरपालिका–१० की एक महिलामाथि आइतबार राति सुतेकै ठाउँमा छुरा प्रहार भएको छ । मोरङ प्रहरीका प्रवक्ता डीएसपी दीपक श्रेष्ठका अनुसार छुरा प्रहारबाट ५० वर्षीया हरिमाया घिमिरे घाइते भएका हुन । उनका अनुसार महिलाको घाँटीमा धारिलो हतियार प्रहार गरिएको चोट छ । उनको विराटनगरस्थित नोबेल शिक्षण अस्पतालमा उपचार भइरहेको प्रहरीले जनाएको छ । घर बाहिर बरण्डमा एक्लै सुतेकी घिमिरेमाथि राति १२ बजेतिर अज्ञात व्यक्तिले छुरा प्रहार गरेको प्रहरीको प्रारम्भिक अनुसन्धानबाट खुलेको छ । प्रहरीका अनुसार घटना हुँदा महिलाका छोरा–छोरी घरभित्र सुतेको र पति घरबाहिर रहेको पाइएको छ ।  उज्यालो नेटवर्कका अन्य समाचार पनि पढ्न सक्नुहुन्छ ।  थप पढ्नुहोस् ...

उज्यालो प्रतिनिधि २२ चैत्र २०७८, मंगलवार