८० दिनदेखि अवरुद्ध तातोपानी नाका आजबाट संचालनमा
काठमाडौं । सोमबारदेखि तातोपानी नाका पुनः संचालनमा आएको छ । यो सँगै आजदेखि चिनियाँ सामग्री आउन शुरु गरेको छ । नेपाली र चिनियाँ अधिकारीहरुबीच गत १३ असोजमा भएको सहमतिअनुसार आजबाट नाका संचालन भएको हो । तातोपानी भन्सार कार्यालयका प्रमुख लालबहादुर खत्रीका अनुसार चिनियाँ पक्षले सामान मितेरी पुलमा अनलोड गरेको हो । आइतबार ११ कन्टेनर कपडा र कच्चा पदार्थ आएको छ । ती सामान तातोपानी सुख्खा बन्दरगाहमा आइपुग्ने बताइएको छ । भन्सार जाँचपासपछि केही दिनमा ती सामग्री काठमाडौं पठाइनेछ । यसैबीच असार २५ गतेदेखि बन्द तातोपानी नाका सोमबारदेखि सञ्चालन हुने भएको छ । चीनको स्वशासित क्षेत्र तिब्बतको खासामा अड्किएका सामान नेपाल भित्र्याउन तातोपानी नाका सञ्चालन हुन लागेको हो । नाका आयातका लागि मात्रै खुल्ने र निर्यात भने नहुने बताइएको छ । थप पढ्नुहोस् ...


