अनियमित विद्युत् कटौतीले हैरानी

बैतडी । अनियमित विद्युत् कटौतीले बैतडीका सेवाग्राहीलाई हैरानी भएको छ । पछिल्लो समय यहाँ विद्युत् एकैछिन् आउने र जाने क्रम बढ्दै गएपछि सेवाग्राहीलाई हैरानी भएको हो । विद्युत्सेवा अनियमितताले हैरानीका साथै व्यापार व्यवसायमा समेत असर परेको व्यापारीले बताएका छन् । गएको एक महिनादेखि विद्युत् सेवा अनियमित हुँदा हजारौँ उपभोक्ता मारमा परेका छन् । विद्युत् सेवा अनियमत हुँदा समस्या भएको दोगडाकेदार गाउँपालिका–७ का दीपेन्द्र कार्कीले बताउनुभयो । बेला बेलामा आउने जाने हुने गरेको छ उनले भने,“यसले गर्दा उपकरण बिग्रने गरेका छन् । ।” विद्युत् सेवा अनियमित हुँदा मिल सञ्चालक, कम्प्युटर, इलेक्ट्रोनिक पसललाई, विद्युत्बाट सञ्चालन हुने ग्रील उद्योग लगायतलाई समस्या भएको छ । बैतडीका व्यवसायी र सञ्चारमाध्यमका सञ्चालकले बेलाबेलामा विद्युत् आउने जाने गर्नाले विद्युत्बाट चल्ने धेरै सामग्री बिग्रीने गरेको बताएका छन् । थप पढ्नुहोस् ...

उज्यालो प्रतिनिधि १७ श्रावण २०७९, मंगलवार