उज्यालो प्रतिनिधि
काठमाडौं । काभ्रेको बनेपा–दोकर्पा– पौडेदेउरालीदेखि महाभारत माटेसम्मको बस संचालन भएको छ । आइतबार एक कार्यक्रमकाबीच सडक उद्घाटन भएको हो ।
कार्यक्रमको प्रमुख आतिथ्यता पूर्वमन्त्री तथा संविधानसभा सदस्य सुर्यमान दोङ ‘लालध्वज’ ले गरेका थिए । उनले स्थानिय स्तरमा विकासका कामहरु भइरहेको भन्दै आफूहरुको पहल हुने बताए ।
बस संचालन भएपछि त्यहाँका स्थानियहरु निकै उत्साहित भएका थिए । कार्यक्रममा संविधान सभा सदस्य विदुर सापकोटा, प्रदेशसभा सदस्यहरु रत्न ढकाल, लक्ष्मण लम्साल लगायतको उपस्थिति रहेको थियो । कार्यक्रममा वडाध्यक्ष तीर्थ बहादुर लाामको सभापतित्वमा कार्यक्रम संचालन भएको थियो ।
त्यस्तै, कार्यक्रममा स्थानिय समाजसेवी प्रकाश लामाले २० बोरा सिमेन्ट र १ हजार लिटर डिजेल सहयाृग समेत घोषणा गरेका छन् । त्यस्तै युवा व्यवसायी तथा समाजसेवी शेर बहादुर तामाङले पनि १ हजार लिटर डिजेल सहयोग गरेका छन् ।
बाटो संचालन भएपछि उत्साहित भएका स्थानियहरुले नेतृत्वले लिएको पहलले आफूहरु खुसी भएको प्रतिक्रिया दिए । लामो समयदेखि दुई घन्टा लामो समय लगाएर हिँड्नपर्ने बाध्यता हटेको भन्दै खुसी व्यक्त गरेका थिए । स्थानियहरुले उत्पादन गरेको कृषि तथा तरकारीहरु अब सजिलै बजार पुर्याउन पाउने भएपछि झनै खुसी भएको उनीहरुले बताएका थिए ।
उज्यालो प्रतिनिधि
बुद्ध लोप्चन
उज्यालो प्रतिनिधि