दुर्घटना न्यूनीकरण गर्न ट्राफिक कोन

उज्यालो प्रतिनिधि १४ माघ २०७७, बुधबार समाचार

काठमाडौँ । महानगरीय ट्राफिक प्रहरी महाशाखाले सडक विभाग, स्थानीय तह तथा विभिन्न सङ्घ संस्थासँगको समन्वयमा सवारी दुर्घटना न्यूनीकरण गर्न सडकमा टल्कने ट्राफिक कोन राखेको छ ।

महाशाखाले काठमाडौँ उपत्यकाको चक्रपथभित्र आठ तथा चक्रपथ बाहिरका २६ स्थान गरी बढी दुर्घटना हुने ३३ स्थानसमेत पहिचान गरेको छ । ती स्थानका सडकमा विशेष गरी रातको समयमा सडकबत्ती नहुँदा अँध्यारोका कारण जेब्राक्रसिङ तथा जथाभावी बाटो काट्ने पैदलयात्री र तीव्र गतिमा सवारी चलाउँदा दुर्घटनाको जोखिम उच्च रहेको महाशाखाले जनाएको छ ।

महाशाखाका प्रमुख प्रहरी वरिष्ठ उपरीक्षक जनक भट्टराईले तीव्र गतिका कारण हुने दुर्घटना न्यूनीकरण गर्न बढी दुर्घटना हुने स्थानमा रातको समयमा समेत टल्कने कोनद्वारा स्पिड ब्रेकर बनाई गति नियन्त्रण गरिएको जानकारी दिए । उनक अनुसार यस्ता कोन उपत्यकाको विभिन्न सडकखण्डमा ४३० थान राखिएको छ ।

एयरपोर्ट गेट, कार्गाे, तिलगङ्गा, बालकुमारी, भाटभटेनी ओराला, बल्खु चोक, सीतापम्प, खसीबजार, सीतापाइला उकालो, बाफल, सानो भ¥याङ, वनस्थली, बबरमहललगायतको सडकखण्डमा ट्राफिक कोन राखिएको र यसलाई पछिसम्म निरन्तरता दिइने महाशाखाले जनाएको छ ।

यसअघि पनि महाशाखाले ललितपुर महानगरपालिकासँग समन्वय गरी यही पुस १३ गते बालकुमारीदेखि सानेपासम्मका विभिन्न १३ स्थानमा २०० थान ट्राफिक कोन राखेको थियो ।

Facebook Comments Box

सम्पादकीय

सबै

सम्पादकीय : संविधान संशोधनको बाटोमा अगाडि बढौँ

आज संविधान दिवसको सातौँ संस्करण । आजभन्दा ६ वर्षअगाडि वि.स. २०७२ साल असोज ३ गते मुलुकमा संविधान जारी भएको थियो

उज्यालो प्रतिनिधि ३ आश्विन २०७८, आईतवार

विशेष सम्पादकीय : राष्ट्रपतिलाई महाअभियोग लगाउन बिलम्ब नगरौँ

बुद्ध लोप्चन २८ असार २०७८, सोमबार

ख्यालख्याल होइन, कोरोना

उज्यालो प्रतिनिधि २५ बैशाख २०७८, शनिबार

विशेष सम्पादकीय : खड्गप्रसाद तुरुन्त बोल, उज्यालो नेटवर्ककर्मीलाई बिना शर्त रिहाई

उज्यालो प्रतिनिधि १२ बैशाख २०७८, आईतवार