७ मंसिर २०७७, आईतवार

वाग्मती सफाइ महाअभियान : ४००औँ हप्तालाई विशेष बनाइने

उज्यालो प्रतिनिधि उज्यालो प्रतिनिधि ७ मंसिर २०७७, आईतवार ३ नं. प्रदेश
2.0kViews
1641 Shares

काठमाडौँ । वाग्मती सफाइ महाअभियानको ४०० हप्ताको कार्यक्रमलाई विशेष कार्यक्रम बनाउने तयारी शुरु भएको छ । विसं २०७० जेठ ५ गतेदेखि शुरु भएको सफाइ स्वयंसेवी महाअभियान आगामी पुस २५ गते ४०० औँ हप्तामा प्रवेश गर्दैछ । महाअभियान ४०० औँ हप्तामा प्रवेश गर्न लागेका अवसरमा केही विषयलाई स्पष्ट पारेर अघि बढ्नुपर्नेमा मुख्य अभियानकर्मी एवं पूर्व मुख्यसचिव लीलामणि पौडेलले जोड दिनुभएको छ ।

भर्चुअल माध्यमबाट आइतबार आयोजना गरिएको छलफल कार्यक्रममा उहाँले महाअभियान विनापैसाको एवं कुनै समिति नबनाइ सञ्चालनमा रहेको बताउनुभयो ।

“महाअभियानमा धेरै पैसा आएको छ, त्यही भएर अभियानकर्मी लामो समयदेखि लागिपरेका छन् भन्ने भ्रम आम मानिसमा परिरहेको छ । यसलाई ४००औँ हप्ता प्रवेशका क्रममा स्पष्ट बनाउँदै लैजानुपर्छ । निःस्वार्थ वाग्मती किनारमा जम्मा भएर दिसापिसाबलगायत फोहर सफाइ गर्दा पनि पैसाकापछि लागेको आरोप खेप्नुपरेकाले यसलाई जनसमक्ष प्रष्ट पार्नुपर्छ”, चीनका लागि पूर्वनेपाली राजदूतसमेत रहनुभएका पौडेलले अभियानकर्मीलाई सम्बोधन गर्दै भन्नुभयो । अधिकार सम्पन्न वाग्मती सभ्यता एकीकृत विकास समितिसँग सहकार्य गरेका कारण यस्तो आरोप लागेकामा पुनःविचार गर्न अभियानकर्मीले माग गरेका छन् ।

यो पनि पढ्नुहोस् ...  साँझकोटमा मिनिट्रक दुर्घट्ना हुँदा काभ्रे डाँडापारि महाभारतका २ को मृत्यु, दर्जनौँ घाइते

महाअभियान शुरु भएको १२ हप्तासम्म पनि अधिकार सम्पन्न वाग्मती महाअभियानसँग जोडिएको थिएन । कार्यक्रममा अभियानकर्मी ओम बस्नेतले अधिकार सम्पन्न वाग्मतीसँग सहकार्य नगरी स्वतन्त्र स्वयंसेवी महाअभियानका रुपमा वाग्मती सफाइलाई अघि बढाउनुपर्नेे बताउनुभयो ।

यो पनि पढ्नुहोस् ...  प्रदेशसभा सदस्यको कोरोना परीक्षण, रिपोर्ट आउन बाँकी

विगतमा भगवान्दास मानन्धरले एक्लै वाग्मती सफाइ शुरु गरेजस्तै स्वयंसेवी अभियानकर्मीमात्र सहभागी भएर सफाइ अभियानलाई अघि बढाउनुपर्नेमा कार्यक्रममा अभियानकर्मी राजकुमार भट्टराई, नारायणकुमार श्रेष्ठ, सन्तोष श्रेष्ठ, गोविन्द काफ्ले, चक्रबहादुर चन्द, प्रिया लामिछाने लगायतले जोड दिनुभएको थियो । हुतराम वैद्यले पनि लामो समयसम्म एक्लै वाग्मती सफाइ चलाउनुभएको थियो ।

अभियानकर्मीले ४००औँ हप्तामा वाग्मतीलगायत यसका सहायक नदीका मुहान क्षेत्रमा माछाका भुरा छोडेर सकारात्मक सन्देश दिनुपर्नेमा पनि उहाँहरुले जोड दिनुभएको थियो । वाग्मतीलगायत यसका सहायक नदीको दायाँबायाँ खाली रहेको जग्गामा बगैँचा बनाएर पनि नदी सभ्यता संरक्षणमा सहयोग गर्न सकिने अभियनकर्मीको भनाइ थियो ।

यो पनि पढ्नुहोस् ...  कोरोना भाइरस संक्रमणविरुद्ध लड्न तयारी अवस्थामा छौ : मुख्यमन्त्री पौडेल

अभियानकर्मीसमेत रहनुभएका पूर्वसचिव किशोर थापाले कोरोना भाइरसको सङ्क्रमणका कारण अभियानकर्मी टाढा हुन थालेकाले उपत्यकाका १८ वटै स्थानीय तहलाई वाग्मती र यसका सहायक नदी सफा राख्न जिम्मेवार बनाउने गरी कार्यक्रम अघि बढाइनुपर्ने बताउनुभयो । उपत्यकावासीका घरघरमा सफाइ अभियानका विषयमा चेतना जगाइ कुहिने र नकुहिने फोहरलाई छुट्याएर वर्गीकरण गरिनुपर्ने उहाँको भनाइ थियो ।

अभियानकर्मी डा लक्ष्मी पौडेलले वाग्मती सफाइ महाअभियानमा अधिकार सम्पन्न वाग्मती समितिसँगै उपत्यकाका स्थानीय तह र वडालाई पनि जिम्मेवार बनाइनुपर्नेमा जोड दिनुभयो ।

सम्पादकीय

सबै

गैरजिम्मेवार सरकार

कोरोना भाइरस (कोभिड–१९) को महामारी तीव्र फैलिरहेको छ । दिनहुँ कम्तिमा २ हजारभन्दा बढी कोरोना संक्रमित थपिरहेको तथ्यांक छ ।

उज्यालो प्रतिनिधि उज्यालो प्रतिनिधि १७ कार्तिक २०७७, सोमबार

प्रहरी आदेशपालक होइनन्

उज्यालो प्रतिनिधि उज्यालो प्रतिनिधि १४ कार्तिक २०७७, शुक्रबार

टिभी कार्यक्रमबाट ठूलो पर्दामा डेब्यु गर्दै यी अभिनेत्रीको हेर्नुहोस बोल्ड तस्विर,

उज्यालो प्रतिनिधि उज्यालो प्रतिनिधि १८ बैशाख २०७७, बिहीबार

अभिनेत्री सारा अलीलाई फ्यानको प्रश्न : ‘भाइसँग यस्तो गर्न तिमीलाई लाज

उज्यालो प्रतिनिधि उज्यालो प्रतिनिधि २६ फाल्गुन २०७६, सोमबार