२८ कार्तिक २०७७, शुक्रबार

कपिलवस्तुमा प्रदेश सरकारको कृषि क्षेत्रमा योजनै योजना

उज्यालो प्रतिनिधि उज्यालो प्रतिनिधि २८ कार्तिक २०७७, शुक्रबार ५ नं. प्रदेश
2.0kViews
1833 Shares

लुम्बिनी । लुम्बिनी प्रदेश सरकारले कृषिलाई उत्पादनसँग जोडेर कपिलवस्तुको आर्थिक विकास र समृद्धिका लागि विभिन्न योजना अगाडि सारेको छ ।

“कृषि क्षेत्रलाई व्यावसायीकरण, आधुनिकीकरण र यान्त्रीकरणमा जोड दिने प्रदेश सरकारको नीति अनुरुप कपिलवस्तुमा कृषि क्षेत्रको विकासका लागि विभिन्न योजना अगाडि सारिएको छ”, प्रदेश सरकारद्वारा कपिलवस्तुमा सञ्चालित कृषि तथा पशु सम्बन्धि विभिन्न योजनाको स्थलगत अवलोकनका क्रममा भूमि व्यवस्था, कृषि तथा सहकारीमन्त्री आरती पौडेलले भन्नुभयो, “हालको निर्वाहमुखी कृषि प्रणालीलाई व्यावसायिक तथा उत्पादनमूलक कृषिमा रुपान्तरण गर्न कपिलवस्तुमा प्रदेश सरकारले विभिन्न महत्वाकांक्षी कृषि कार्यक्रमहरु तर्जुमा गरी लागू गरेको छ ।”

यो पनि पढ्नुहोस् ...  कोरोना भाइरसको सङ्क्रमण फैलिन नदिन प्रदेश नं ५ मा पूर्वतयारी थालियो

उहाँले विजयनगर गाउँपालिकालाई दुग्ध आत्मनिर्भर बनाउन यहाँ भैसी स्रोत केन्द्र सञ्चालनमा ल्याउने बताउँदै यसका लागि गाउँपालिकाले सय बिघा क्षेत्रफल समेत छुट्याइएको जानकारी दिनुभयो ।

मन्त्री पौडेलले आँप, लिचीलगायत फलफूलको हवको रुपमा कपिलवस्तुलाई विकास गरिने बताउँदै भूमिहीन, हलिया कमैया किसानलाई लक्षित गरी प्रदेश सरकारले १०९ वटा पालिकामा करार खेती सञ्चालन गर्ने जानकारी दिनुभयो ।

यसैगरी कपिलवस्तुमा किसानका लागि कृषि कोरिडोर, आलु, प्याज, लहसुन, बाख्रापालन अभियानलगायतका कार्यक्रम सञ्चालन गरिने बताइएको छ । किसानलाई कृषिमा प्रोत्साहन दिन सहुलियत दरमा कर्जा, अनुदान दिइने, कृषिको सहजीकरणका लागि प्रदेशका ९ सय ८३ वटै पालिकामा हरित स्वयंसेवक नियुक्त गर्ने, व्यवस्थित रुपमा कृषि तालीम उपलब्ध गराउनेजस्ता कार्यक्रम प्रदेश सरकारले सञ्चालन गरिएको मन्त्री पौडेलले बताउनुभयो ।

यो पनि पढ्नुहोस् ...  प्रदेश ५ राजधानी विवाद : सडकदेखि सदनसम्म चर्कियो आन्दोलन [भिडियोसहित]

बाणगङ्गाको भलवाडमा स्मार्ट कृषि कार्यक्रम र तौलिहवामा माहुरीपालक किसानका लागि माहुरीचरण कार्यक्रमबारे सरोकारबालासँग छलफल गर्नुभएका मन्त्री पौडेलले कृषि ज्ञान केन्द्र तौलिहवामा कृषि प्राविधिकसँग छलफल र सञ्चारकर्मीसँग अन्तरक्रियासमेत गर्नुभयो । उहाँले महाराजगञ्ज र बाणगङ्गामा सञ्चालित पशु र कृषि कार्यक्रमको बिहीबार स्थलगत अवलोकनसमेत गर्नुभयो ।

यो पनि पढ्नुहोस् ...  सैनामैना आधुनिक र व्यवस्थित शहर बन्छ : अर्थमन्त्री

सो अवसरमा प्रदेश सभा सदस्य अर्जुन केसीले कृषि क्षेत्रको दिगो विकासका लागि प्रदेश सरकारले धेरै कार्यक्रम ल्याएको बताउँदै यसबाट वास्तविक किसानले फाइदा लिनुपर्ने आवश्यकता औल्याउनुभयो ।

भेटनरी अस्पतालका प्रमख दिपक भुसालले कपिलवस्तुमा यो वर्ष कृषि र पशुतर्फ विभिन्न कार्यक्रम रहेकाले यसको प्रभावकारी कार्यान्वयनमा सम्बन्धित सबै पक्षको सहयोग र समन्वय आवश्यक रहेको बताउनुभयो ।

सम्पादकीय

सबै

गैरजिम्मेवार सरकार

कोरोना भाइरस (कोभिड–१९) को महामारी तीव्र फैलिरहेको छ । दिनहुँ कम्तिमा २ हजारभन्दा बढी कोरोना संक्रमित थपिरहेको तथ्यांक छ ।

उज्यालो प्रतिनिधि उज्यालो प्रतिनिधि १७ कार्तिक २०७७, सोमबार

प्रहरी आदेशपालक होइनन्

उज्यालो प्रतिनिधि उज्यालो प्रतिनिधि १४ कार्तिक २०७७, शुक्रबार

टिभी कार्यक्रमबाट ठूलो पर्दामा डेब्यु गर्दै यी अभिनेत्रीको हेर्नुहोस बोल्ड तस्विर,

उज्यालो प्रतिनिधि उज्यालो प्रतिनिधि १८ बैशाख २०७७, बिहीबार

अभिनेत्री सारा अलीलाई फ्यानको प्रश्न : ‘भाइसँग यस्तो गर्न तिमीलाई लाज

उज्यालो प्रतिनिधि उज्यालो प्रतिनिधि २६ फाल्गुन २०७६, सोमबार