२० कार्तिक २०७७, बिहीबार

इन्डियन प्रिमियर लिग(आइपिएल)मा दिल्लीले मुम्बईको सामना गर्दै

उज्यालो प्रतिनिधि उज्यालो प्रतिनिधि २० कार्तिक २०७७, बिहीबार खेल
3.1kViews
1459 Shares

एजेन्सी – दिल्ली क्यापिटल्सले इन्डियन प्रिमियर लिग (आइपिएल) २०२० मा फाइनल प्रवेशको लागि आज (बिहिबार) बलियो मुम्बई इन्डियन्सको सामना गर्दैछ । नेपाली समय अनुसार बेलुका ७:४५ पछि दुबई इन्टरनेशल क्रिकेट स्टेडियममा सुरु हुने उक्त खेलको विजेता फाइनलमा पुग्नेछ ।

दिल्लीलाई चार पटकको च्याम्पियन मुम्बईलाई हराउन सहज भने पक्कै हुने छ । लिग चरमा १४ खेलमा ८ मा जित र ६ मा हार सहित १६ अंकका साथ दोस्रो स्थानमा रहँदै क्वालिफायर खेलेको दिल्लीलाई शीर्षस्थानको मुम्बईमाथि जित निकाल्न उत्कृष्ट प्रर्दशन गर्नुपर्ने हुन्छ । दिल्ली लिग चरणको दुबै खेलमा मुम्बईसँग पराजित भएको थियो । तर दिल्लीले उक्त नतिजाबाट पाठ सिक्दै पहिलो पटक फाइनलमा पुग्न खोज्ने छ ।

दिल्लीले लिग चरणको अन्तिम खेलमा रोयल च्यालेन्जर्स बेंगलोरलाई ६ विकेटले हराएको थियो । उक्त खेलमा ओपनर पृथ्वी शा र शिखर धवनले १.५ ओभरमा १९ रनको साझेदारी गरेका थिए । शा ९ रनमा बोल्ड आउट हुँदा धवनले ५४ रन जोडेका थिए । धवन लयमा देखिदा शा कमजोर प्रर्दशनबाट गुज्रि रहेका छन् ।

यो पनि पढ्नुहोस् ...  बायर्न म्युनिखलेव हात पार्यो सुपर कपको उपाधि

दिल्लीको बेन्चमा वैकल्पिक ओपनरको रुपमा रहेका अजिंक्या रहाणेलाई दिल्लीले मध्यक्रम बलियो बनाउन बेंगलोरविरुद्ध तेस्रो नम्बरमा ब्याटिङ गराएको थियो । रहाणेले ६० रनको विजयी इनिङ खेलेका थिए । जसले गर्दा रहाणेले तेस्रो नम्बरमानै ब्याटिङ गर्ने सम्भावना देखिन्छ । शा को विकल्प नहुँदा खराब प्रर्दशनका बाबजुद पनि दिल्लीले उनलाई खेलाउने देखिन्छ ।

यसले उनको मनोबल सकरात्मक प्रभाव पार्ने हुँदा आलोचकलाई ब्याटको रनमार्फत जवाफ दिन खोज्ने छन् । चौथो र पाँचौ नम्बरमा श्रेयस ऐर र ऋषभ पन्त गर्ने छन् । पन्त मुम्बईका जस्प्रित बुमराह देखि भने सजग हुन आवश्यक देखिन्छ । बुमराहले ३० बलमा ३२ रन खर्चेर पन्तलाई ५ पटक आउट गरेका छन् । छैटौं नम्बरमा मार्कस स्टोइनिसले सम्हाल्ने छन् ।

स्टोइनिसले फिनिसरको भूमिका निर्वाह गर्नुपर्ने हुन्छ । दुबईको बाउन्ड्री ठूलो हुँदा दिल्लीले अफस्पिनर अक्षर पटेल र रविचन्द्रन आश्विनलाई खेलाउने छ । मध्यक्रममा यी दुई स्पिनरको ८ ओभर निकै महत्वपूर्ण हुने छ । दिल्लीले तीनै तीव्र गतिका बलर विदेशी खेलाडी खेलाउने सम्भावना देखिन्छ ।

यो पनि पढ्नुहोस् ...  टी २० विश्वकप छनोट : नेपाल पहिलो खेलमा नै अप्रत्यासित हार

भारतीय तीव्र गतिका बलर कमजोर प्रर्दशन हुँदा बेंगलोरविरुद्ध तीनै विदेशी खेलाडी खेलाएको थियो । आजको खेलमा पनि दिल्ली त्यहि रणनीतिमा उत्रने देखिन्छ । कागिसो रबाडा, एनरिच नोर्किया र ड्यानियल साम्सलाई खेलाउने छ । रबाडाले २५ र नोर्कियाले १९ गरि यी दुई जोडीले कुल ४४ विकेट लिएका छन् ।

रबाडाको डेथ ओभर र नोर्कियाको पवार प्ले अफमा उच्च प्रर्दशन गर्न सक्नुपर्छ । ड्यानियल साम्सले ४ ओभरमा ४० रन खर्चिदा विकेट लिन सकेका थिएनन् । तर सुरुवाती दुई ओभरमा १० रन खर्चिदै दबाबमा राखेका थिए । जसले गर्दा साम्स प्रशिक्षक रिकी पोन्टिङको रोजाईमा पर्ने सम्भावना देखिन्छ । बेंगलोरविरुद्ध उतारेको प्लेइङ ११ लाईनै निरन्तरता दिन सक्छ । साम्सलाई नखेलाएको खण्डमा शिम्रन हेटमायरलाई मौका दिन सक्ने झिनो सम्भावना रहन्छ ।

यो पनि पढ्नुहोस् ...  रोनाल्डोको उत्कृष्ट प्रदर्शनमा सिरि ए फुटबलमा युभेन्ट्सको सहज जीत

नेपाली लेगस्पिनर सन्दीप लामिछाने भने दिल्लीको प्लेइनिङ ११ मा अटाउने सम्भावना देखिदैन । रबाडा, नोर्किया र स्टोइनिस पहिलो रोजाईमा खेल्ने छन् । चौथो विदेशी खेलाडीमा साम्स वा हेटमायर मध्य एकको सम्भावना रहन्छ । जसले गर्दा यस अघि लिग चरणका सबै खेलमा बेन्चमा बसेका सन्दीप मुम्बईविरुद्ध पनि डग आउटमै बस्ने छन् ।

दिल्लीलाई लेग स्पिनरको आवश्यक नभएको भने होईन । दिल्लीले खेलाउने दुबै अफ स्पिनर हुन् । तर लेग स्पिनर सन्दीपलाई खेलाउँदा दिल्लीको सन्तुल केहि कमजोर बन्न पुग्छ । कमजोर भारतीय तीव्र गतिको बलिङ हुँदा पनि सन्दीप बेन्चमानै बस्नु परेको छ ।

मुम्बईविरुद्ध दिल्लीको सम्भावित प्लेइङ ११ : पृथ्वी शा, शिखर धवन, अजिंक्या रहाणे, श्रेयस ऐर (कप्तान), ऋषभ पन्त (विकेटकिपर), मार्कस स्टोइनिस, अक्षर पटेल, ड्यानियल साम्स, रविचन्द्रन आश्विन, कागिसो रबाडा र एनरिच नोर्किया ।

सम्पादकीय

सबै

गैरजिम्मेवार सरकार

कोरोना भाइरस (कोभिड–१९) को महामारी तीव्र फैलिरहेको छ । दिनहुँ कम्तिमा २ हजारभन्दा बढी कोरोना संक्रमित थपिरहेको तथ्यांक छ ।

उज्यालो प्रतिनिधि उज्यालो प्रतिनिधि १७ कार्तिक २०७७, सोमबार

प्रहरी आदेशपालक होइनन्

उज्यालो प्रतिनिधि उज्यालो प्रतिनिधि १४ कार्तिक २०७७, शुक्रबार

टिभी कार्यक्रमबाट ठूलो पर्दामा डेब्यु गर्दै यी अभिनेत्रीको हेर्नुहोस बोल्ड तस्विर,

उज्यालो प्रतिनिधि उज्यालो प्रतिनिधि १८ बैशाख २०७७, बिहीबार

अभिनेत्री सारा अलीलाई फ्यानको प्रश्न : ‘भाइसँग यस्तो गर्न तिमीलाई लाज

उज्यालो प्रतिनिधि उज्यालो प्रतिनिधि २६ फाल्गुन २०७६, सोमबार