काठमाडौ । काठमाडौँ उपत्यकामा थप १ हजार ८७८ जनामा कोरोना संक्रमण पुष्टि भएको छ । काठमाडौँमा १ हजार ५७० जना, भक्तपुरमा ११९ जना र ललितपुररमा १८९ जनामा कोरोना पुष्टि भएको स्वास्थ्य तथा जनसंख्या मन्त्रालयले जनाएको छ ।

पछिल्लो २४ घण्टामा देशभर थप ३३ सय ९ जनामा कोरोना संक्रमण पुष्टि भएको छ । १३ हजार १ सय ४२ जनाको पीसीआर परीक्षणका क्रममा थप ३ हजार ३ सय ९ जनामा कोरोना देखिएको मन्त्रालयले जनाएको छ ।

यसैगरी नेपालमा कुल संक्रमितको संख्या १ लाख ८२ हजार ९ सय २३ सय पुगेको र सक्रिय संक्रमितको संख्या ३६ हजार ९ सय ११ पुगेको मन्त्रालयले जनाएको छ ।

क्यारेनटिनमा १ हजार ३ सय ५ जना छन् । त्यस्तै होम आइसोलेसनमा ३० हजार १ सय ३१ जना र संस्थागत आइसोलेसनमा ६ हजार ७ सय ८० जना रहेका छन् ।

यसैगरी पछिल्लो २४ घण्टामा देशभर थप ३ हजार ८ सय ४४ जना कोरोनामुक्त भएसँगै कोरोनालाई जितेर घर फर्किनेको संख्या १ लाख ४४ हजार ९ सय ७८ पुगेको छ ।