काठमाडौं । नेपालमा कोरोना संक्रमितको संख्या १ लाख ७० हजार ७४३ पुगेको छ ।
देशभर पछिल्लो २४ घण्टामा थप २ हजार ५०८ जनामा कोरोनाभाइरस संक्रमण पुष्टि भएको छ ।
९ हजार २७९ पीसीआर परीक्षण गरिएकोमा २ हजार ५०८ जनामा कोरोनाभाइरस संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
कोरोना संक्रमणबाट पछील्लो २४ घण्टामा थप १७ जनाको मृत्यु भएसँगै नेपालमा कोरोनाबाट मृत्यु हुनेहरुको संख्या ९३७ पुगेको मन्त्रालयले जनाएको छ ।
देशभर सक्रिय संक्रमितको संख्या हालसम्म ३८ हजार ५८४ छ ।
यसैगरी पछिल्लो २४ घण्टामा काठमाडौं उपत्यकामा १३ सय ५७ कोरोना संक्रमित थपिएका छन् ।
हालसम्म क्वारेन्टाइनमा रहनेको संख्या २ हजार ४१० जना रहेका छन् ।
यसैगरी पछिल्लो २४ घण्टामा २ हजार २६४ जना संक्रमित डिस्चार्ज भएसँगै नेपालमा निको हुनेको १ लाख ३१ हजार २२२ संख्या पुगेको छ ।
मन्त्रालयका अनुसार हालसम्म पीसीआर विधिबाट १४ लाख ४३ हजार ३४३ परीक्षणहरु गरिएका छन् ।