२० आश्विन २०७७, मंगलवार

मन्त्रिमण्डल हेरफेरः विष्णु पौडेल, सुरेन्द्र पाण्डे र जनार्दन शर्मा मन्त्री बन्दै, कसलाई कुन मन्त्रालय ?

उज्यालो प्रतिनिधि उज्यालो प्रतिनिधि २० आश्विन २०७७, मंगलवार फोटो समाचार

काठमाडौं । प्रधानमन्त्री केपी शर्मा ओलीले मन्त्रिमण्डल हेरफेर गर्ने भएका छन् । आज (मंगलबार) मध्यान्ह बस्न लागेको मन्त्रिपरिषद बैठकमा तत्काल ३ जना मन्त्री नियुक्ति गर्ने तयारीमा प्रधानमन्त्री ओली रहेको उच्च स्रोतले उज्यालो नेटवर्कलाई जानकारी दिएको छ ।

स्रोतका अनुसार पूर्वएमालेका तर्फबाट नेकपा महासचिव समेत रहेका विष्णु पौडेललाई अर्थमन्त्री नियुक्ति गर्नेगरि तयारी अघि बढेको छ । उनको साथै, पूर्वअर्थमन्त्री समेत रहेका सुरेन्द्र पाण्डेको पनि नाम मन्त्री बन्ने चर्चामा रहेको छ । स्रोतका अनुसार सम्भवतः अर्थमन्त्रीमा पौडेललाई नियक्त गर्ने तयारी भइरहेको छ ।

पछिल्लो केहीदिनदेखि प्रदेश ५ को स्थायी राजधानी भालुवाङ राख्ने भएपछि उत्पन्न विवाद समाधान गर्नेगरि प्रधानमन्त्री ओलीले पौडेललाई मन्त्री बनाउने तयारी थालेका हुन् । बुटवल स्थायी राजधानी हुन माग गर्दै व्यापक विरोध भएसँगै ओली निकटका दुई नेताहरुलाई साम्य पार्नका लागि ओलीले पौडेललाई अर्थमन्त्रीको जिम्मेवारी दिन लागेको बुझिएको छ ।

स्थायी राजधानी भालुवाङ राख्ने पक्षमा प्रधानमन्त्रीकै विश्वास पात्रमध्येका अर्का नेता तथा प्रदेश ५ का मुख्यमन्त्री शंकर पोखरेल देखिएपछि ओलीले पौडेललाई अर्थको जिम्मेवारी दिएर विवाद मत्थर पार्नतिर लागेको धेरैको बुझाई छ ।

त्यस्तै, सहरी विकास मन्त्रीमा सुरेन्द्र पाण्डेलाई र संचार तथा सूचना प्रविधि मन्त्रीमा जनार्दन शर्मालाई ल्याउनेगरि तयारी अघि बढेको स्रोतको दाबी छ । तर, जनार्दन भने संचार मन्त्रालयमा जान अनिच्छुक रहेका छन् ।

उता, पूर्वमाओवादी कोटाबाट नै पम्फा भुसाल, प्रभु साह लगायतको नाम मन्त्री बन्ने चर्चामा छन् । तर, प्रधानमन्त्री ओली किस्तामा मन्त्रालय बाँडफाँड गर्ने तयारी गर्दै आजको मन्त्रीपरिषदबाट ३ जनालाई मन्त्रालयको जिम्मेवारी पक्षमा रहेको उच्च स्रोतले जानकारी दिएको छ ।

Facebook Comments

सम्पादकीय

सबै

प्रधानमन्त्रीबाट तत्काल राजीनामा देऊ

प्रधानमन्त्री खड्ग प्रसाद ओलीले ५ पुस ०७७ मा संविधानमा नभएको अधिकार प्रयोग गर्दै गरेको संघीय संसदको प्रतिनिधिसभा विघटनलाई सर्वोच्च अदालतले

उज्यालो प्रतिनिधि उज्यालो प्रतिनिधि ११ फाल्गुन २०७७, मंगलवार

संवैधानिक ‘कू’ को सर्वत्र विरोध गरौँ

उज्यालो प्रतिनिधि उज्यालो प्रतिनिधि ५ पुष २०७७, आईतवार

गैरजिम्मेवार सरकार

उज्यालो प्रतिनिधि उज्यालो प्रतिनिधि १७ कार्तिक २०७७, सोमबार

प्रहरी आदेशपालक होइनन्

उज्यालो प्रतिनिधि उज्यालो प्रतिनिधि १४ कार्तिक २०७७, शुक्रबार