काठमाण्डौ । कोरोना भाइरस संक्रमणबाट पछिल्लो २४ घण्टामा नेपालमा ८ जनाको मृत्यु भएको छ । योसँगै नेपालमा कोरोनाले मृत्यु हुनेको संख्या ४६७ पुगेको स्वास्थ्य तथा जनसंख्या मन्त्रालयका प्रवक्ता प्रा.डा. जागेश्वर गौतमले जानकारी दिए ।
पछिल्लो २४ घण्टामा देशभर थप १२ सय ७ जना कोरोना संक्रमित थपिएका छन । योसँगै कोरोना संक्रमितको संख्या ७१ हजार ८२१ पुगेको मन्त्रालयले जनाएको छ ।
त्यसैगरी २४ घण्टामा ११ सय ४७ जनाले कोरोना जितेसँगै नेपालमा कोरोना जित्नेको संख्या ५३ हजार १३ पुगेको छ।
नेपालमा अहिलेसम्म पीसीआर परीक्षणको संख्या ९ लाख ७८ हजार २०४ पुगेको छ।
मन्त्रालयका अनुसार २२४ जनाको आईसीयूमा उपचार भइराखेको छ भने २७ जनालाई भेन्टिलेटरमा राखिएको छ।