काभ्रे । जिल्लाका एक कोरोना संक्रमितको काठमाडौंमा उपचारको क्रममा निधन भएको छ । २७ गते काठमाडौं मेडिकल कलेज भर्ना भएका पनौती नगरपालिका-३ का ४१ वर्षका ती व्यक्तिलाई कोरोना संक्रमणको आशंकामा २८ गते स्वाब संकलन गरिएको थियो ।

स्वास्थ्य कार्यलय काभ्रेका वरिष्ठ स्वास्थ्य प्रशासक डा. नरेन्द्रकुमार झाका अनुसार २९ गते कोरोना संक्रमण पुष्टि भएको र प्यान्कृयाजको समेत समस्या भएका उनको भदौ ३० गते मंगलबार साँझ मृत्यु भएको जानकारी दिए ।

यसअघि जिल्लामा कोरोनाका कारण जिल्लामा ६ जनाको मृत्यु भइसकेको छ । ६ मध्ये ३ जना अन्य जिल्लाका संक्रमितको धुलिखेल अस्पतालमा मृत्यु भएको हो ।