खाद्य संकट भएको २ महिना भईसके पनि चामल ढुवानी नगरेर मदिरा ढुवानी !

उज्यालो प्रतिनिधि १७ भाद्र २०७७, बुधबार फोटो समाचार

बाजुरा । जहाँ खाद्य संकट छ तर चामल ढुवानी हुन सकिरहेको छैन, त्यहाँ जहाज चार्टर गरेर मदिरा ढुवानी हुन्छ भन्ने खबर तपाईंलाई पत्यार नलाग्न सक्छ ।

तर, बाजुराको कोल्टी क्षेत्रमा यस्तै भइरहेको छ । उक्त क्षेत्रमा खाद्य संकट भएको २ महिना भईसके पनि चामल ढुवानी हुन सकिरहेको छैन । तर मदिरा भने जहाज चार्टर गरेर ढुवानी भइरहेको छ ।

कोरानाको संकटका समयमा मदिरा जन्य र सुर्ति जन्य प्रदार्थ ढुवानीमा रोक लगाए पनि बाजुराको कोल्टी एरपोटमा भने खुलम खुल्लामदिरा ढुवानी भइरहेको हो । कोल्टी विमानस्थलमा दैनिक सात फलाइटसम्म हुने गरेका छन् । तीन चार फ्लाइटमा मदिरा नै आउने गरेको बाजुरा नागरिक उड्डयन कार्यालय बाजुराका निमित्त प्रमुख प्रसाद पौडेलले जानकारी दिए ।

प्रति किलो ७५ देखि १ सय रुपैयाँसम्म जहाजमा व्यापारीहरुको मदिरा लगायत दैनिक उपभोग्य वस्तु चाउचाउ बिस्कुट ढुवानी गरेर बाजुराको कोल्टीमा जहाजमा ल्याउने गरेका समिट एयरका कोल्टी स्टेसन प्रमुख विनोद कुमार सिंहले जानकारी दिए ।

नेपालगञ्ज, सुर्खेतबाट सिता, समिट र तारा एयरले दैनिक बाजुरामा उडान भरिरहेका छन् । जहाजबाट कोल्टी चार्टर गरेर मदिरा आउने गरेको बताईएको छ । मदिरा बाजुराका चारवटा स्थानीय तह, कर्णाली प्रदेशका हुम्ला र मुगु जिल्लाका स्थानीय बजारमा जाने गरेको बताएका छन् ।

स्थानीय बजारमा खाद्यन्न अभाव रहेको लामो समय भएपनि समयमा चामल ढुवानी हुन सकिरहेको छैन । बुढिनन्दा नगरपालिका निमित्त प्रमुख प्रशासकिय अधिकृत रामदत्त न्यौपानेका अनुसार चामल नपाइए पनि मदिरा भने फालाफाला पाइने गरेको छ ।

नागरिक उडयन कार्यलय कोल्टी बाजुराका अनुसार १ महिनामा १ सय ६० उडान कोल्टी बिमान स्थलमा भएका छन् । ६० प्रतिशत भन्दा बढि उडानमा मदिरा नै ढुवानी भएको कार्यलयले जनाएको छ ।

१ सय ६० उडानमा ९७ हजार ३ सय ४ केजी सामान ढुवानी भएको मध्ये धेरै मदिरा मात्र भएको कार्यलयले जनाएको छ । यता बाजुराका प्रमुख जिल्ला अधिकारी कृष्ण गैह्रेले भने मदिरा प्रतिबन्धका लागि बाँके र सुर्खेतका प्रमुख जिल्ला अधिकारीसँग छलफल गर्ने बताए ।

Facebook Comments Box

सम्पादकीय

सबै

ख्यालख्याल होइन, कोरोना

कोरोना संक्रमणको दर बढ्दो छ । पछिल्लो केही दिनयता दैनिक मृत्यु हुनेको संख्या ५० जनाभन्दा बढी पुगिरहेको छ । कोरोनाको

उज्यालो प्रतिनिधि २५ बैशाख २०७८, शनिबार

विशेष सम्पादकीय : खड्गप्रसाद तुरुन्त बोल, उज्यालो नेटवर्ककर्मीलाई बिना शर्त रिहाई

उज्यालो प्रतिनिधि १२ बैशाख २०७८, आईतवार

प्रधानमन्त्रीबाट तत्काल राजीनामा देऊ

उज्यालो प्रतिनिधि ११ फाल्गुन २०७७, मंगलवार

संवैधानिक ‘कू’ को सर्वत्र विरोध गरौँ

उज्यालो प्रतिनिधि ५ पुष २०७७, आईतवार