विजय जिम्बा, काभ्रे । जिल्लाको पनौती नगरपालिका वडा नम्बर ७ बसपार्कको फेन्सी पसलमा आगलागी भएको छ । फेन्सी पसलको किचनबाट ग्यास लिक भएर करिब साढे ८ बजे आगलागी भएको हो ।

पसलमा भएको सबै सामान जलेर नष्ट भएको घरधनी पृथ्वी नारायण पसछेले बताए ।

आगलागीबाट घरमा पूर्ण रुपमा क्षति पुगेको वडा नम्बर ७ का वडा सदस्य पुरुषोतम कर्माचार्य दिए । उनका अनुसार नगत तथा जिन्सी गरी ५० लाख बढी क्षति भएको छ । यकिन विवरण भने आउन बाँकी छ ।