कोरोना कहरबीच सिरहाका शिव मन्दिरहरुमा भक्तजनको घुइँचो

१२ श्रावण २०७७, सोमबार १७:३६ मा प्रकाशित

गणेश कुमार ठाकुर,सिरहा । सिरहाका शिव मन्दिरहरुमा भक्तजनको घुइँचो रहेको छ । साउनको दोस्रो सोमवार सिरहाका शिव मन्दिरहरुमा भक्तजनहरुको सतर्कता नअपनाइ पुगेका छन् । सरकारले भिडभाड नगर्न र मास्क अनिवार्य लगाउन आग्रह गरे पनि उनीहरुले बेवास्ता गरेका छन् ।

विभिन्न ठाउँमा रहेको शिव मन्दिरहरुमा जल लिइ भक्तजनहरु शिवलिङ्गमा जल चढाउन बिहानैदेखि लाइनमा बसेका हुन ।
साउन महिनामा खासगरी हिन्दु धर्मालम्बीहरुले भगावन शिवको पूजा आराधना र व्रत बस्ने परम्परा छ । हिमालयकी पुत्री पार्वतीले साउन महिनामा निराहार ब्रत बसेर भगान शिवलाई प्राप्त गरेको विश्वासमा महिलाहरुले साउनमा ब्रत बस्ने गर्दछन् ।

साउनको महिनालाई भगवान शिवको नाममा उपासना बसी शिव महिमा गरिने विशेष महिना मानिने हुँदा भक्तजनहरु उपासनासहित नजिकको पवित्र नदी, कुण्ड तथा तलाउबाट जल ल्याउने र शिवलिंङ्गमा चढाउने गर्दछन् । यसो गर्दा मनोकांक्षा पूरा हुने धार्मिक विश्वास छ ।
यता,आइतबार गृह मन्त्रालयले ७७ जिल्लाकै प्रहरी कार्यालय र जिल्ला प्रशासन कार्यालयलाई परिपत्र गरी मास्क नलगाउनेलाई कारवाही गर्न निर्देशन दिएको थियो । तर, मठमन्दिरमा विनामास्क, भिडभाड गरेर पूजापाठ गरे पनि सम्बन्धित निकाय मौन रहेको छ ।

अल न्युज नेट्वर्कद्वारा सञ्चालित उज्यालो नेट्वर्क डटकम नेपाली, अंग्रेजी संस्करणका साथै अनलाइन टिभी पनि सञ्चालित छ । हामीसँग फेसबुकट्वीटर मार्फत पनि जोडिन सक्नुहुनेछ ।

सामाजिक संजालवाट साभार