कीर्तिपुर नगरपालिका क्षेत्रमा निर्माण भइरहेका भौतिक पूर्वाधारहरुको मन्त्री नेम्बाङद्धारा अनुगमन

उज्यालो प्रतिनिधि ३ श्रावण २०७७, शनिबार फोटो समाचार

काठमाण्डौ । भौतिक पूर्वाधार तथा यातायात एवम् सहरी विकासमन्त्री वसन्तकुमार नेम्बाङले कीर्तिपुर नगरपालिका क्षेत्रमा निर्माण भइरहेका विभिन्न पूर्वाधारहरुको स्थलगत अनुगमन गर्नु भएको छ । शुक्रबार कीर्तिपुर नगरपालिका भित्र निर्माण भइरहेका सडक, पुलको निरिक्षण गर्नुका साथै त्यस क्षेत्रमा रहेका ऐतिहासिक सम्पदाहरुको समेत अवलोकन गर्नु भएको हो ।

अनुगमनको क्रममा कीर्तिपुर नगरपालिकाले गरेको स्वागत तथा अन्तरक्रिया कार्यक्रमलाई सम्बोधन गर्दै मन्त्री नेम्बाङले नगरपालिका र संघीय सरकार एकअर्का बीच समन्वयले जनताको सेवासंगै भौतिक पूर्वाधार विकासलाई अगाडी बढाउने आधारहरु निर्माण हुने बताउनु भयो ।
उहाँले भन्नु भयो ″मैले प्रत्येक हप्ता विदा पर्यो भने विदाको दिन अथवा शुक्रबार, शनिबार मन्त्रालय अन्तर्गत भइरहेका विकास निर्माणका कामहरु अनुगन निरिक्षण गर्ने गर्दछु । पहिलो पटक नगरपालिका आफैले अगाडी बढाईरहेका विकास निर्माण गतिविधि र संघीय मन्त्रालयको तर्फबाट भइरहेका कामको पनि अवलोकन गर्ने मनसायले यहाँ आएको हो ।ʺ

मन्त्री नेम्बाङले काठमाण्डौका भित्री बाटोहरुलाई समेत कसरी व्यवस्थित गर्ने भन्ने बारे छलफल भइरहेको बताउँनु भयो । उहाँले भन्नुभयो ″नगर, महानगरका भित्रिबाटाहरु व्यवस्थित गर्ने, बाटो नभएको ठाउँमा विस्तार गर्ने र कसरी स्ट्रिट लाईफलाई स्मार्ट लाईफको रुपमा परिणत गरेर जाने भनेर स्थानीय निकायहरुसंग छलफल गरिरहेका छौ ।ʺ
स्थानीय जनता र जनप्रतिनीधिहरुसंग विकास निर्माणका सम्बन्धमा छलफल अन्तरक्रिया गर्नु पनि आफ्नो नियमित अनुमगनको उदेश्य रहेको समेत उल्लेख गर्नु भयो ।

 

नयाँबजार गेट, पाँगा दोबाटो, नागा उँधोबाटो, भत्केपाटी, पुष्पलाल पार्क र कीर्तिपुर तीनथाना जोड्ने निर्माणाधिन पुलको स्थलगत अवलोकन गरिएको थियो ।
मन्त्री नेम्बाङले पुष्पलाल पार्कमा पुगेर नेपाली कम्युनिष्ट आन्दोलनका संस्थापक पुष्पलालको प्रतिमामा माल्यार्पण समेत गर्नु भयो ।
शुक्रबार भएको अनुगमनमा प्रतिनीधिसभा सदस्य कृष्णगोपाल श्रेष्ठ, कृष्ण राई, विना श्रेष्ठ, नगर प्रमुख रमेश महर्जन, उपप्रमुख सरस्वती खड्का, पूर्वराज्यमन्त्री दिलिप महर्जन, आयोजना प्रमूख साथै स्थानीय सरोकारवालाहरु सहभागी रहनुभएको थियो ।

 

Facebook Comments Box

सम्पादकीय

सबै

ख्यालख्याल होइन, कोरोना

कोरोना संक्रमणको दर बढ्दो छ । पछिल्लो केही दिनयता दैनिक मृत्यु हुनेको संख्या ५० जनाभन्दा बढी पुगिरहेको छ । कोरोनाको

उज्यालो प्रतिनिधि २५ बैशाख २०७८, शनिबार

विशेष सम्पादकीय : खड्गप्रसाद तुरुन्त बोल, उज्यालो नेटवर्ककर्मीलाई बिना शर्त रिहाई

उज्यालो प्रतिनिधि १२ बैशाख २०७८, आईतवार

प्रधानमन्त्रीबाट तत्काल राजीनामा देऊ

उज्यालो प्रतिनिधि ११ फाल्गुन २०७७, मंगलवार

संवैधानिक ‘कू’ को सर्वत्र विरोध गरौँ

उज्यालो प्रतिनिधि ५ पुष २०७७, आईतवार