गुल्मीको मदानेमा सलहले मकैवाली सखाप, किसानहरु द्वारा क्षतिपुर्ति माग ।

२ श्रावण २०७७, शुक्रबार १५:५० मा प्रकाशित

गुल्मी । जिल्लाको केही ठाउँमा पछिल्लो समय प्रवेश गरेको सलह किराले मकैवालीमा ठूलो क्षति पु-याएको छ । यो समयमा धेरै ठाउमा मकै खेति गरिन्छ । यो बर्ष भन्दा पहिले मुसा, दुम्सी लगायत जँगली जनाबरले मकैमा क्षति पु-याउथे तर अहिले सलहले आएर सबै मकै खाएर सिख्रै बनाएको यस क्षेत्रका किसानहरुको गुनासो छ । पहिले आएको सलहले त्यति असर नगरेपनि असार ३० र ३१ गते आएको सलहको हुलले मदाने गाउँपालिका ३ सिर्सेनीमा सयौं रोपनिमा रहेको मकै बाली सलह किराले सखाप पारेको स्थानिय भरत चन्दले बताएका छन ।

मदाने ,मालिका लगायतका गाउपालिकाका किसानहरु सलह किरा बाट पिडित भएका छन । अब केही समयमा भित्र्याएर वर्षदिन खाने मकै सलहले खाएर सकेपछी किसानहरुमा ठूलो समस्या उत्पन्न भएको छ । सम्वन्धित निकाएले यो समस्या बुझेर पिडितलाई क्षतिपुर्ति दिनका लागि किसानहरुले माग गरेका छन ।

अल न्युज नेट्वर्कद्वारा सञ्चालित उज्यालो नेट्वर्क डटकम नेपाली, अंग्रेजी संस्करणका साथै अनलाइन टिभी पनि सञ्चालित छ । हामीसँग फेसबुकट्वीटर मार्फत पनि जोडिन सक्नुहुनेछ ।

सामाजिक संजालवाट साभार