काठमाडौं । भारतीय नम्बर प्लेटको मोटरसाइकल छोड्न सेवाग्राहीसँग घुस लिँदालिँदै एक प्रहरी पक्राउ परेका छन् ।
प्रहरी चौकी गौरीशङ्कर सर्लाहीमा कार्यरत प्रहरी सहायक निरीक्षक (असई) राम बिश्वास राय यादव सेवाग्राहीसँग घुस लिँदालिँदै पक्राउ परेका हुन् ।
असई यादवले भारतीय नम्बरको मोटरसाइकल समातेका थिए । पछि उक्त मोटरसाइकल छोड्नका लागि उनले रू ५ हजार घुस मागेका थिए ।
घुस लिँदालिँदै उनलाई रंगेहात कार्यालय परिसरबाटै पक्राउ गरेका हुन् । अख्तियार दुरुपयोग अनुसन्धान आयोगको विशेष टोलीले उनलाई पक्राउ गरेका हुन् ।