काठमाडौं । कोरोना भाईरसको महामारीपछि जारी खेलमा अपराजित रहँदै आएको जर्मन बुन्डेसलिगा फुटबलमा शीर्ष स्थानको बायर्न म्युनिखले मंगलबार रातिको खेलमा बोरूसिया डर्टमण्डलाई १-० गोल अन्तरले पराजित गरेको छ ।

डर्टमण्डको घरेलु मैदानमा भएको खेलमा बायर्नलाई जीत दिलाउन जोसुवा किमिचले निर्णायक गोल गरे । खेलको ४३ औं मिनेटमा किमिचले गरेको गोल नै बायर्नको जीतमा निर्णायक सावित भयो ।

जितसँगै बायर्नको उपाधि जित्ने सम्भावना बलियो भएको छ । बायर्नले डर्टमण्डविरुद्धको अंक दूरी समेत ७ भएको छ । हारपछि पनि डर्टमण्ड ५७ अंकका साथ दोस्रो स्थानमै छ ।