उज्यालो प्रतिनिधि
एजेन्सी । कोरोना भाइरस ‘कोभिड १९’ ले सबैभन्दा बढी प्रभावित बनेको राष्ट्र अमेरिका हो।
अमेरिकामा लगातार कोरोना संक्रमित र मृतक संख्या बढिरहेका छन्। अमेरिकाको पनि न्युयोर्क राज्य कोरोनाले निकै ग्रस्त बनेको क्षेत्र हो।
यसबीचमा हालै न्युयोर्कमा कोरोनाको संक्रमणबाट मृत्यु भएका मानिसको सामूहिक अन्त्येष्टी गरिएको तस्बिर सार्वजनिक भएको छ।
हार्ट आइल्याण्डमा मृतकको शरीरलाई गाडिएको तस्बिर सार्वजनिक भएका हुन्।
तस्बिरमा देखिएअनुसार सुरक्षित कपडा लगाएका मानिसले ठूलो खाल्डो खनेर लासहरु गाडेका छन्।
न्यूयार्कमा लाशको सामूहिक अंत्येष्टि
ड्रोनको सहायतामा खिचिएको तस्बिरमा देखिएअनुसार उक्त क्षेत्रमा डेढ सय लाशलाई एकैपटक पुर्न लागिएको बीबीसीले जनाएको छ।
न्युयोर्कमा कोरोना संक्रमितको संख्या ५ लाख ३३ हजारभन्दा बढी छन्। त्यहाँ २० हजार बढीको ज्यान भएको छ।
समाचार संस्था एपीका अनुसार हार्ट आइल्याण्डमा सामान्यतः एक हप्तामा लगभग २५ लाश आउने गर्दथ्यो। अहिले त्यहाँ एकै दिनमा २५ लाशको अन्त्येष्टी हुने गर्दछ।
उज्यालो प्रतिनिधि
बुद्ध लोप्चन