दाङ । विश्वव्यापी महामारीको रुपमा फैलिरहेको कोरोना भाइरसको कारण देशभर लकडाउन भइरहेको समयमा ‘पत्रकार हुँ’ भन्दै हिँड्ने एकजनालाई प्रहरीले पक्राउ गरेको छ । पक्राउ पर्नेमा तुलसीपुर उपमहानगरपालिका–१७ का १८ वर्षीय मेघराज सुनार रहेका छन् ।
जिल्ला प्रहरी कार्यालय दाङका डीएसपी सुमित खड्काले आफुलाई पत्रकार भन्दै बा ८७ प १००६ नम्वरको मोटरसाइकलमा हिँडिरहेका सुनारलाई पक्राउ गरिएको बताए ।
डीएसपी खड्काको अनुसार सुनारले रिपोर्टस क्लब दाङको रिपोर्टर भनि खिमबहादुर डिसीको नाममा रहेको परिचय पत्र देखाएर प्रहरीलाई झुक्याउदै हिँडेका हुन् ।
तुलसिपुर–घोराही सडकखण्डको हात्तिखौवाबाट पक्राउ परेका सुनारलाई हिरासतमा राखेर थप अनुसन्धान थालिएको प्रहरीले जनाएको छ ।