उज्यालो प्रतिनिधि
काठमाडौँ । वडाअध्यक्ष हतियारसहित पक्राउ परेको छ । कैलालीको गोदावरी नगरपालिका–१० का वडाध्यक्ष रवीन्द्र शाही गड्डु दुई थान हतियार र ८२ हजार नगदसहित पक्राउ परेको हो ।
वडाध्यक्ष शाहीको साथबाट प्वाइन्ट टुटु एलआर एक थान, त्यसमा लाग्ने गोली १४ थान तथा एयर गन १ थान र त्यसको छर्रा १९६ थान बरामद भएको सशस्त्र प्रहरी बल ३५ नम्बर गण शैलेश्वरी कञ्चनपुरले जनाएको छ ।
प्रहरीको अनुसार वडाध्यक्ष शाहीलाई कञ्चनपुरको कृष्णपुर नगरपालिका– ४ र ५ को सीमानजिकै रोकिराखेको डीएल ३ सीसीआर ३९९७ भारतीय नम्बरको टोयोटा फरच्युन गाडीमा दुई थान बन्दुकसहित पक्राउ परेका हुन् ।
त्यस्तै गाडीबाट नेपाली १ हजार दरका ७१ हजार र ५ सयको नोट ५ हजार ५ सय रुपैयाँ समेत बरामद भएको कञ्चनपुरका सशस्त्र प्रहरी उपरीक्षक वीरबहादुर साउदले जानकारी दिए ।
त्यसैगरी उनको साथबाट हिमालयन बैंकको एटीएम कार्ड एउटा, एनआईसी एसिया बैंकको एटीएम कार्ड २ वटा, मेगा बैंकको एटीएम कार्ड एउटा, गरिमा विकास बैंकको एटीएम कार्ड एउटा, आर इन्डियन बैंकको एटीएम कार्ड समेत बरामद भएको छ ।
पक्राउ परेका वडाअध्यक्ष शाहीमाथि थप अनुसन्धान भइरहेको प्रहरीले जनाएको छ ।
शिवु खनाल
उज्यालो प्रतिनिधि
बुद्ध लोप्चन