काभ्रे । जिल्लाको डाँडापारिस्थित महाभारत गाउँपालिका वडा नं. १ मा महिन्द्रा मिनिट्रक दुर्घटना भएको छ ।
कोरोना भाइरस (कोभिड–१९) को संक्रमण रोक्न सरकारले देशव्यापी जारी गरेको लकडाउन आदेशलाई उल्लंघन गर्दै मध्यराति डाँडापारिस्थित महाभारत हुँइकिएको महिन्द्रा मिनिट्रक दुर्घटना भएको हो ।

भक्तपुर दुवाकोटस्थित जय बाराही इँटा उद्योगमा कार्यरत मजदुरलाई घर पुर्याउन जाने क्रममा बा ३ ख ८८२६ नम्बरको महिन्द्रा मिनिट्रक दुर्घटना भएको हो । चालकको अनिदोको कारण दुर्घटना भएको हुन सक्ने प्रहरी चौकी गोकुलेले जनाएको छ ।
दुर्घटनामा परी वीर बबहादुर घिसिङ, निर माया घिसिङ, राजु बल, तिल बबहादुर पाख्रिन, नर बहादुर मोक्तान, मेनुका गोले, ज्ञानी गोले लगायत सामान्य घाइत भएका छन् ।

उनीहरु स्थानीय गोकुले स्वास्थ्य चौकीमा प्रारम्भिक उपचार भइरहेको छ । घाइतेहरुको अवस्था सामान्य छ ।
ट्रकमा साढे दुई दर्जनभन्दा बढी यात्रु थिए ।