बिदेश जान दलालको भर पर्दा यता न उता

उज्यालो प्रतिनिधि २७ फाल्गुन २०७६, मंगलवार समाचार

काठमाडौं । अफ्रिकी मुलुक माल्टा जाने चक्करमा गुल्मीका कृष्ण खड्काले काठमाडौंको सुन्धारास्थित ‘ग्लोरियस वेलनेस स्पा प्रा.ली’ कम्पनीका सञ्चालन बावुराम श्रेष्ठलाई गत असोजमा ६ लाख नगदसहित पासपोर्ट जिम्मा लगाए। त्यसको एक सातापछि सञ्चालक श्रेष्ठले आधा काम भइसकेको भन्दै कृष्णसँग थप पाँच लाख रुपैयाँ मागे। माल्टा जाने सपना साकार पार्न कृष्णले श्रेष्ठलाई खुरुखुरु पैसा बुझाउँदै गए।

श्रेष्ठले उनलाई कात्तिकसम्म माल्टा पठाइसक्ने बचन दिएका थिए। तर गाउँबाट ऋण खोजेर काठमाडौं आएर श्रेष्ठ (दलाल) लाई पैसा बुझाएका कृष्णको माल्टा जाने सपना मात्रै तुहिएन, ऋण काढेर बुझाएको पैसाले पुर्पुरो समाउनुपर्ने बनायो। ‘होला त नि भनेर ऋण काढेरै पैसा बुझाएँ, दलालले यता न उता पारिदिए,’ आइतबार टेकुमा भेटिएका उनले भने।

कात्तिकमा विदेश पठाउँछु भनेका श्रेष्ठ कार्यालय बन्द गरी फोन स्विच अफ गरेर भागेको कृष्णले बताए। ठगिएपछि उनी माघको पहिलो साता महानगरीय प्रहरी परिसरमा जाहेरी बोकेर पुगेका थिए। उनीजस्तै श्रेष्ठबाट ठगिएर परिसरमा जाहेरी दिने धेरै छन्। श्रेष्ठबाट ठगिएको भन्दै ६० भन्दा बढीले परिसरमा उजुरी दिएका छन्। ६० जनाबाट दुई करोडभन्दा बढी रकम ठगेर भागेका श्रेष्ठलाई पक्राउ गर्न प्रहरी लागिप-यो।

अर्घाखाँची छत्रदेव गाउँपालिका–७ भगवती घर भई काठमाडौंको सुन्धारा बस्ने ३८ वर्षीय श्रेष्ठलाई नेपालगन्जबाट पक्राउ गर्न प्रही सफल भयो। उनले २६ जनालाई माल्टा पठाउँछु भन्दै प्रतिव्यक्ति १० लाखका दरले रकम असुलेको प्रहरीले जनाएको छ। प्रहरीका अनुसार श्रेष्ठले महिनामा १२ सय युरो कमाइ हुन्छ भन्दै उनीहरूलाई प्रलोभनमा पारेका थिए। अन्य ३४ जनालाई कुवेत पठाउँछु भनेर जनही ६/६ लाख उठाएर श्रेष्ठ फरार भएका थिए। पीडितहरूले जाहेरी दिएपछि जिल्ला अदालत काठमाडौंले श्रेष्ठलाई पक्राउ गर्न भनी एक साताअघि पक्राउ पुर्जी जारी गरेको थियो। यो खबर आजको नागरिक दैनिकमा छ ।

Facebook Comments Box

सम्पादकीय

सबै

विशेष सम्पादकीय : राष्ट्रपतिलाई महाअभियोग लगाउन बिलम्ब नगरौँ

असंवैधानिक रुपमा संघीय संसदको प्रतिनिधिसभा विघटन गरेका राष्ट्रपति विद्यादेवी भण्डारी र प्रधानमन्त्री खड्गप्रसाद ओलीको कदमलाई सर्वोच्च अदालतले बदर गरेको छ

बुद्ध लोप्चन २८ असार २०७८, सोमबार

ख्यालख्याल होइन, कोरोना

उज्यालो प्रतिनिधि २५ बैशाख २०७८, शनिबार

विशेष सम्पादकीय : खड्गप्रसाद तुरुन्त बोल, उज्यालो नेटवर्ककर्मीलाई बिना शर्त रिहाई

उज्यालो प्रतिनिधि १२ बैशाख २०७८, आईतवार

प्रधानमन्त्रीबाट तत्काल राजीनामा देऊ

उज्यालो प्रतिनिधि ११ फाल्गुन २०७७, मंगलवार