उज्यालो प्रतिनिधि
एजेन्सी, २३ फागुन । अमेरिकामा कोरोना भाइरस अर्थात कोभिड–१९ का कारण ज्यान गुमाउनेको सङ्ख्या १४ पुगेको छ । विश्व स्वास्थ्य संगठन (डब्लूएचओ)को अनुसार बिहीबार राति थप तीन जनाको ज्यान गएसँगै अमेरिकामा कोरोना भााइरसबाट ज्यान गुमाउनेको संख्या १४ पुगेको हो ।
पछिल्लो चार दिनमा अमेरिकामा कोरोना भाइरसबाट ११ जनाको ज्यान गएको छ । सोमबार र मंगलबार तीन/तीन जनाको ज्यान गएको थियो । बुधबार दुई जनाको ज्यान गएको थियो भने बिहीबार तीन जनाको ज्यान गएको छ ।
अहिलेसम्म अमेरिकामा दुई सय २६ जनामा काेराेनाकाे संक्रमण देखिएकाे छ । ८ जना अटिल अवस्थामा छन् भने नौ जना पूर्ण रुपमा निको भएका छन् ।
यसैबीच दक्षिण अफ्रिकामा पनि भेटियाे काेराेना भइरसकाे संक्रमण देखा परेकाे छ । विश्व स्वास्थ्य संगठनकाे अनुसार बिहीबार राति एक जना संक्रमित भेटिएकाे हाे ।
कोरोनाका कारण विश्वभरि अहिलेसम्म ज्यान गुमाउनेको सङ्ख्या तीन हजार ३ सय ८७ पुगेको छ भने ९८ हजारभन्दा ४ सय भन्दबढीमा सङ्क्रमण देखिएको छ । अहिलेसम्म ५५ हजार ५ सयभन्दा बढी पूर्ण रूपमा निकाे भइसकेकाे विश्व स्वास्थ्य संगठनले जनाएकाे छ ।
गत डिसेम्बरको अन्तिमतिर चीनको हुवानबाट फैलिएको यो भाइरस अहिले ८५ भन्दा बढि मुलुकमा फैलिएको छ ।
उज्यालो प्रतिनिधि
बुद्ध लोप्चन