उज्यालो प्रतिनिधि
काठमाडाैं । प्रमुख प्रतिपक्ष दल नेपाली कांग्रेसकी सांसद पुष्प भुसालले कोरोना भाइरसको संक्रमणबाट जोगिन तत्कालै विद्यालय, क्याम्पसहरू बन्द गर्न माग गर्नुभएको छ । शुक्रबार बसेकाे प्रतिनिधिसभा बैठकमा बोल्नु हुँदै कांग्रेसकी सचेतक समेत रहनु भएका भुसालले यस्तो माग गर्नुभएको हो ।
जिल्ला प्रशासनले भिडभाडमा नजानु, घर बाहिर ननिस्किनु भने पनि लाखौँ बालबालीकाहरुल स्कुल जानालाई बाध्य भइराखेको उहाँले बताउनुभयो । ‘जिल्ला प्रशासनले भिडभाडमा नजानु, घर बाहिर ननिस्किनु भनेर सर्कुलर गरेको परिपत्रहरू हामी पढ्न पायौँ,’ उहाँले भन्नुभयो, ‘एकातिर जिल्ला प्रशासनले सर्कुलर गरेको छ भने अर्कोतिर हाम्रा लाखौँ बालबालिकाहरू स्कुल जानलाई बाध्य भइराखेका छन् ।
चैत ५ गतेसम्म स्कुल बन्द नगर्ने भनेर पनि अर्कोतर्फ सूचना आएको बताउँदै उहाँले भन्नुभयाे, ‘चैत ५ गतेसम्म स्कुल बन्द नगर्ने भनेर पनि अर्कोतर्फ सूचना आइरहेको छ । सभामुखज्यूमार्फत सरकारलाई तत्कालै स्कुलहरू पनि बन्द गर्ने निर्देशन दिन आग्रह गर्दछु।’
उज्यालो प्रतिनिधि
बुद्ध लोप्चन