उज्यालो प्रतिनिधि
काठमाडाैं । प्रदेश नम्बर १ का मुख्यमन्त्री शेरधन राईले एउटा गिरोहले पात्र खरिद गरी लामो समयदेखि आफूविरुद्ध षड्यन्त्र गरिरहेको बताएका छन् ।
बालिका खड्काले शुक्रबार जिल्ला अदालत काठमाडौंमा सम्बन्ध कायम गर्न र अंश भराइदिन भनी दायर गरेको मुद्दाका सन्दर्भमा मुख्यमन्त्री राईले आफूलाई आर्थिक र नैतिक मामलामा कसैले कुनै खोट देखाउन चुनौती दिए ।
आज प्रेस सङ्गठन नेपाल प्रदेश १ को इटहरीमा भएको सपथग्रहण कार्यक्रमलाई सम्बोधन गर्दे उनले आफ्नो जीवन शतप्रतिशत पारदर्शी रहेको दाबी गरे ।
आफूविरुद्धको षड्यन्त्र प्रहरी र पार्टीलाई समेत जानकारी गराइसकिएको उल्लेख गर्दै मुख्यमन्त्री राईले २०७२ सालदेखि षड्यन्त्र भइरहे पनि आफू मौन रहेको र अब दूधको दूध, पानीको पानी छुट्टिने बेला आएकोले बोल्न बाध्य भएको बताए।
Facebook Comments Box
बुद्ध लोप्चन