बनेपा । काभ्रेपलान्चोक जिल्ला महाभारत गाउँपालिका वडा नम्बर २ कुपिन्टार स्थाइ घर भाई हाल ललितपुर जिल्ला ठेचो बस्दै आएका बलको परिवार अहिले ठूलो पीडामा छन् । सामान्य परिवारका ४५ वर्षीय नर बहादुर बल तामाङ्लाई पेनिस क्यान्सर भएपछी उनले सहयोगको याचना गरेका छन ।

नजिकैको कुपिन्टार खोलामा माछा जाने क्रममा उनलाई केहीले टोकेको जस्तो अनुभव भयो । निहुँ भनौँ या के, उनलाई भएको यति नै हो । तर, बिस्तारै त्यो टोकेको ठाउँमा घाउ बन्दै गयो । आज, भोलि हुँदाहुँदा घाऊ यति ठूलो भयो कि त्यसको हामी कल्पनासम्म गर्न सक्दैनौँ । घाऊ ठुलो हुँदै गएपछी उनले गाउँघरमै उपचार गर्न थाले तर निको हुनुको साटो झन् ठूलो हुँदै गयो । त्यसपछि उनी उपचारको लागि सहर पसे ।
बनेपा, धुलिखेल र काठमाडौंका दर्जनौँ अस्पताल पुग्दा पनि उनको वास्तविक रोग पत्ता लागेन । यसैगरी लगभग ३ बर्ष बित्यो, लाखौँ रुपियाँ स्वाहा भयो । बिरामी झन् थलिँदै गए ।

यही क्रममा भक्तपुरस्थित् क्यान्सर अस्पतालले ट्युमर देखेको र उपचार गर्नु पर्ने सुझाव दियो । उपचारको क्रममा अस्पतालले उनलाई क्यान्सर भएको रिपोर्ट हातमा थमायो । उनलाई निकै पिडा भयो । घर परिवार र साथीभाइलाई उनले चाडै निको हुन्छ भनिरहे र ढाटिरहे ।

काठमाण्डौ जस्तो ठाउँँमा उनलाई उपचार गर्दै गर्दा भएको सबै पैसा सकिसकेको छ उनको । उनलाई लाग्छ, अब ऋण लिने ठाउँ र दिने मान्छे पनि कोही छैन । उपचारको लागि उनका श्रीमती र दाजुले सबैसँग हात फैलाइरहेका छन्, ।

हो, कसलाई पर्दैन र दुख । खाली समयको खेल न हो, कसैलाई छिटो त कसैलाई ढिलो । आखिर दुख सबैलाई पर्छ । त्यसैले आउनुस्, यी उहाँलाई नयाँ जीवन दिलाउन तपाई हामी सबैले सकेको सहयोग गरौँ ।

उनलाई 9880165081 / 9888014300 मा संपर्क गर्न सकिन्छ भने उनको प्रभु बैक संखमुल नयाँ बानेश्वर साखाको खाता नम्बर ०५११०७०१६१९८५९०००००१ मा पैसा जम्मा गर्न सक्नुहुनेछ ।

आर्थिक अवस्था निकै कम्जोर भएका उनलाई सबैले सकेको सहयोग गरौ । सहयोग गर्न नसक्नेहरुले यो फोटोलाई सेअर गर्नुहोस ।