एजेन्सी । कुङ फू नाम सुन्ने बित्तिकै धेरैलाई चीनको दिमागमा सबैभन्दा पहिले चीनको तस्बिर आउँछ । चिनियाँ फिल्ममा कुङ फूको ज्यादा प्रयोगले गर्दा पुरै चीन नै कुङ फूका लागि विश्वभर परिचित छ तर, चीनमा एउटा यस्तो गाउँ छ जुन वास्तवमा काल्पनिक गाउँजस्तै छ जहाँका प्रत्येक मानिसहरु कुङ फूमा अब्बल छन् ।

मध्य चीनस्थित तियांजहूको ग्रामिण गाउँमा प्रत्येक मानिसहरु दैनिक मार्शल आर्टस् अभ्यास गर्छन् । त्यस गाउँमा पेशा गर्ने हुन् या सामान्य मानिसहरु सबै कुङ फूमा निपूर्ण छन् । त्यस गाउँमा विभिन्न कुङ फू शैली सिकाइने र प्रयोग गरिने गरिन्छ । मानिसहरु आफुलाई निपूर्ण बनाउनका लागि एकअर्कासँग सधै लडाँई गर्ने गर्छन् । कुङ फूको असामान्य परम्परा त्यस गाउँमा प्रसिद्ध छ ।

चीनको गुइजहौं राज्यको गैंक्सी डाँन्ग नामको त्यस गाउँमा डाँन्ग समुदायका मानिसहरु बसोबास गर्छन् जो चीनमा ५६ मान्यता प्राप्त अल्पसंख्यकमध्ये एक हुन् । १५० वर्ष अघि त्यहाँ आएका एक शाओलिन भिक्षु तांग लाओशुनले त्यस परम्परा शुरु गरिदिएका थिए ।

गैंक्सी डाँन्गमा करिब आठ हजार मानिसहरु बस्छन् । त्यस गाउँको कुङ फू यति प्रसिद्ध छ कि त्यस गाउँलाई नै कुङ फू गाउँ भनिन्छ ।

गैंक्सीका चिर्चित कुङ फू मास्टर ८८ वर्षीय झोङ मोलिनको अनुसार पहिले त तांगलाई गाउँका मानिसहरुले निकै दुःख दिएका थिए र उनलाई मार्ने पनि प्रयास गरेका थिए । तर निहत्था तांगले मानिसहरुलाई आफ्नो कुङ फू कलाले हराएर प्रभावित पारेका थिए जस कारण पछि मानिसहरु उनैबाट यो कला सिक्न थाले ।

मानिसहरु त्यहाँको एउटा शाओलिन मन्दिरमा कुङ फूको कक्षा लिन्छन् ।