उज्यालो प्रतिनिधि
काठमाडौं । बरामद गरेको सुन बाँडेर खाएको आरोपमा इन्सपेक्टरसहित १६ जना प्रहरीलाई निलम्बन गर्न अख्तियारले प्रहरी प्रधान कार्यलयलाई सिफारिस गरेको छ ।
बरामद सुन बाँडफाँड गरी खाएको आरोपमा सीमा प्रहरी चौकी टिमुरेका प्रहरी निरिक्षक खेमप्रसाद नेपालसहित १६ जना प्रहरीलाई निलम्बन अख्तियारले प्रहरी प्रधान कार्यालयलाई पत्र लेखेको हो ।
गत पुस ११ गते केरुङबाट नेपाल आउँदै गरेको ना ६ ख ४९३२ नम्बरको कन्टेनर चेकजाँच गर्ने क्रममा चालक फुर्वा पासाङको साथबाट ४२२ ग्राम सुन लिएर प्रहरीले चालकलाई छाडेको अख्तियारद्वारा जारी विज्ञप्तिमा उल्लेख छ ।
चालकबाट बरामद भएको सुन आवश्यक कानूनी प्रक्रियाका लागि सम्बन्धित निकायमा नबुझाइ इन्सपेक्टर नेपाललगायत चौकीमा कार्यरत प्रहरीहरुले आपसमा बाँडफाँड गरी खाएको उजूरी अख्तियारमा परेको थियो । यो खबर आजको कान्तिपुर दैनिकले छापेको छ ।
Facebook Comments Box
उज्यालो प्रतिनिधि
