उज्यालो प्रतिनिधि
काठमाडौं । नेकपाका अध्यक्ष समेत रहेका प्रधानमन्त्री केपी शर्मा ओलीले पार्टी उपाध्यक्ष वामदेव गौतमलाई राष्ट्रिय सभा सदस्यमा सिफारिस नगर्ने अडान लिएका छन् ।
यद्यपी ओली आफैँ उपस्थित् सचिवालय बैठकबाट आजै गौतमलाई राष्ट्रिय सभा सदस्यमा सिफारिस गर्ने निर्णय भएको थियो । निर्णय भएको निर्णय बाहिर पुग्न नपाउँदै ओलीले आफ्नो असन्तुष्टि पोखेका हुन् ।
ओलीले आफूलाई सधैँ अप्ठ्यारोमा पारेको भन्दै वामदेवलाई राष्ट्रिय सभामा सिफारिस नगर्ने बताएका हुन् । हालका अर्थमन्त्री युवराज खतिवडाको ठाउँमा गौतमलाई राष्ट्रिय सभा सदस्यमा सिफारिस गर्न ओली अनिच्छुक देखिएपछि गौतम राष्ट्रिय सभा सदस्य बन्ने बाटो बन्द हुने देखिएको छ ।
ओलीले एक नेतासँग भनेका छन्, ‘ममाथि घेराबन्दी भयो, परेको म व्यहोर्छु, वामदेवजीलाई राष्ट्रिय सभामा सिफारिस गर्दिन ।’
Facebook Comments Box
उज्यालो प्रतिनिधि
