उज्यालो प्रतिनिधि
काठमाडौं । नेकपाका नेता तथा दक्षिण कोरियाका लागि पूर्वराजदूत कमानसिंह लामा सुतेकै ठाउँमा बेहोस भएका छन् ।
आइतबार राति १ बजे काठमाडौँ मूलपानीस्थित आफ्नै निवासमा उनी बेहोस भएपछि उनलाई थापाथलीस्थित नर्भिक अस्पतालमा भर्ना गरिएको छ।
राति नै एम्बुलेन्सबाट अस्पताल ल्याएर भर्ना गरिएको लामाकी पत्नी इन्द्रमाया तामाङले जानकारी दिइन् । उनका अनुसार सुतेकै ठाउँमा छट्पटाइराखेका लामा बेहोस भएका थिए ।
उनी सोडियमको कमिका कारण बेहोस भएको चिकित्सकहरुले बताएका छन् । उनको अवस्था क्रमिकरुपमा सुधा हुँदै गएको अस्पतालले जनाएको छ ।
पाँच वर्ष अघि लामालाई किड्नीमा क्यान्सर भएको थियो। त्यसको उपचार गराएका उनी पुनः गम्भीर विरामी परेका हुन् ।
लामा काभ्रेबाट दुईपटक सांसदमा बिजयी भएका थिए। उनी सन् २०१२ देखि १६ सम्म दक्षिण कोरियाको राजदूत थिए।
Facebook Comments Box
उज्यालो प्रतिनिधि
बुद्ध लोप्चन